بۇگىن مەملەكەت جانە قوعام قايراتكەرى بەكبولات تىلەۋحان دۇنيەگە كەلگەن كۇن
57 جىل بۇرىن (1966) - مەملەكەت جانە قوعام قايراتكەرى، قازاقستاننىڭ ەڭبەك سىڭىرگەن ءارتىسى، دۇنيەجۇزىلىك ەتنوسپورت فەدەراتسياسىنىڭ ءبىرىنشى ۆيتسە-پرەزيدەنتى بەكبولات قاناي ۇلى تىلەۋحان دۇنيەگە كەلدى.
قاراعاندى وبلىسىنىڭ جاڭاارقا اۋدانىندا تۋعان. قۇرمانعازى اتىنداعى الماتى كونسەرۆاتورياسىن جانە اسپيرانتۋراسىن بىتىرگەن. 1992-2001 -جىلدارى - الماتى كونسەرۆاتورياسىنىڭ وقىتۋشىسى، دوتسەنتى، كافەدرا مەڭگەرۋشىسى.
1996-1997 -جىلدارى - رەسپۋبليكالىق گۆارديا جانىنداعى پرەزيدەنت وركەسترى فولكلورلىق انسامبلىنىڭ جەتەكشىسى. 1997-2001 -جىلدارى - پرەزيدەنت وركەسترىنىڭ كوركەمدىك جەتەكشىسى.
2001-2002 -جىلدارى - قازاقستان رەسپۋبليكاسى مادەنيەت، اقپارات جانە قوعامدىق كەلىسىم مينيسترلىگى مادەنيەت كوميتەتىنىڭ ءتوراعاسى.
2002-2003 -جىلدارى - قازاقستان رەسپۋبليكاسى مادەنيەت جانە قوعامدىق كەلىسىم ۆيتسە- ءمينيسترى. 2003-2004 -جىلدارى - قازاقستان رەسپۋبليكاسى مادەنيەت ۆيتسە-ءمينيسترى. 2004-2007 -جىلدارى - «نۇر وتان» پارتياسى ءتىزىمى بويىنشا قازاقستان رەسپۋبليكاسى پارلامەنتى ءماجىلىسىنىڭ دەپۋتاتى. 2007-2011 -جىلدار ارالىعىندا قازاقستان رەسپۋبليكاسى پارلامەنتى ءماجىلىسىنىڭ 4-شاقىرىلىمداعى دەپۋتاتى بولدى. ۇلتتىق سپورت تۇرلەرى قاۋىمداستىعىنىڭ پرەزيدەنتى، 2016-2021 -جىلدارى - قازاقستان رەسپۋبليكاسى پارلامەنتى ءماجىلىسىنىڭ التىنشى شاقىرىلىمداعى دەپۋتاتى.
2021 -جىلدىڭ جەلتوقسانىنان باستاپ باستاپ قازىرگى قىزمەتىندە. «پاراسات» وردەنىمەن ماراپاتتالعان. ق ر «دارىن» مەملەكەتتىك سىيلىعىنىڭ جانە ق ر مەملەكەتتىك سىيلىعىنىڭ لاۋرەاتى.
اۆتور:
سماعۇلوۆا ەركەجان
