كوروناۆيرۋستان قالعان ۆاكسينالار مىسىقتارعا ەگىلەدى

استانا. قازاقپارات - كيپر ۇكىمەتى ەلدەگى مىسىقتار كوروناۆيرۋستان قالعان ۆاكسينالارمەن ەگىلەتىنىن حابارلادى.
None

قاڭتاردان باستاپ ارالدا مىڭداعان مىسىق كوروناۆيرۋس مۋتاتسياسىنان ولگەن، دەپ حابارلايدى قازاقپارات Azertag.az-عا سىلتەمە جاساپ.

ەلدىڭ اۋىل شارۋاشىلىعى مينيسترلىگى ادامدارعا ارنالعان ۆاكسينالاردى مىسىقتارعا قولدانۋدى ۇسىندى. تابلەتكا تۇرىندەگى ۆاكسينالاردى مىسىقتارعا ۆەتەرينارلار سالاتىن بولادى.

مىسىقتىڭ جۇقپالى پەريتونيتى (FIP) - كيپردەگى مىسىق پوپۋلياتسياسىنا وراسان زيان كەلتىرگەن جۇقپالى ۆيرۋستىق ىندەت. بۇل ادامعا بەرىلمەيتىن كوروناۆيرۋستىڭ ءبىر ءتۇرى.

بىرنەشە اي بويى كيپردەگى جانۋار الەمىن قورعاۋشىلار ۇكىمەتتى جانۋارلار پاندەمياسىنا قارسى شارالار قابىلداۋعا شاقىردى. رەسمي ستاتيستيكاعا سايكەس، ارالدىڭ گرەك بولىگىنىڭ وڭتۇستىگىندە وسى ۋاقىتقا دەيىن 107 مىسىق ۆيرۋس جۇقتىرعان. الايدا تابيعاتتى قورعاۋشىلاردىڭ پىكىرىنشە، بۇل كورسەتكىش وتە تومەن. ۆەتەرينارلار كيپر مىسىقتارىنىڭ ۇشتەن ءبىرى وسى ۆيرۋستان قىرىلىپ قالدى دەپ ەسەپتەيدى.

كيپردە ميلليونعا جۋىق ءۇيسىز مىسىق بار.


سوڭعى جاڭالىقتار