ماتراسپەن توسىپ الدىق: الماتىدا تەرەزەدەن سەكىرگەن ادامداردى كىم قۇتقارعانى بەلگىلى بولدى

استانا. قازاقپارات - جوعارى قاباتتان جايمالاردى ءبىر-بىرىنە بايلاپ، تاعى ءبىر بالانى ءتۇسىردىم، دەيدى ول.
None

ءورت ەندى باستالعاندا اقكەنتتىك جىگىتتەر ەرىك توكەن ۇلى مەن داۋلەتقالي نۇرلان ءتورت دوسىمەن سول ماڭدا سىرتتا تۇرعان. ولار ءورت سوندىرۋشىلەر كەلگەنگە دەيىن، ودان كەيىن دە قۇتقارۋ جۇمىسىنا باسىنان اياعىنا دەيىن قاتىسىپتى. كىلەمدى تاۋىپ اكەلىپ جۇرگەن دە سولار ەكەن، دەپ حابارلايدى zakon.kz.

ەسىك الدىندا ءتورت دوسىممەن تۇرعان ەدىك. اقىرىنداپ الدىمەن ءتۇتىن شىعا باستادى. ەشكىم جوق ول كەزدە. الدىمەن بىرنەشە بالانى، حيدجاپتاعى قىزدى الىپ شىقتىم. ودان كەيىن ءتۇتىن قويۋلانىپ كەتتى. جوعارى قاباتتان جايمالاردى ءبىر-بىرىنە بايلاپ، تاعى ءبىر بالانى ءتۇسىردىم. تومەندە جىگىتتەر ونى قاعىپ الدى. 15-20 مينۋتتا 4 رەت وسىلاي كوتەرىلىپ شىقتىم. ودان كەيىن ءبىزدى عيماراتقا جولاتپاي قويدى. ارنايى رۇقسات جوق، بەتپەردە جوق دەپ، دەيدى داۋلەتقالي نۇرلان ۇلى.

داۋلەتقالي وسى كەزدە ءبىرىنشى قاباتتاعى پاتەردىڭ ءبىرىنىڭ تەرەزەسىنەن كىلەم، ماتراستى كورگەنىن ايتادى.

تەرەزەنى شاقتىق تا ولاردى الىپ شىقتىق. ولارمەن كەم دەگەندە 7-8 ادامدى توسىپ الدىق، - دەيدى.

ال ەرىك توكەن ۇلى ەسىنەن تانىپ قالعان ۇلكەن كىسىگە جاساندى جولمەن دەم بەرىپ، العاشقى مەديتسينالىق كومەك كورسەتكەنىن ايتادى.

ءبىر كەزدە ەسىن جينادى، جەدەل جاردەم كولىگىنە سالىپ جىبەردىك. ءبىر ايەل 6-قاباتتان ەكى بالاسىن لاقتىردى. ماتراسپەن توسىپ الدىق. ودان كەيىن ءوزى جانە اپكەسى سەكىردى. سول كەزدە ءوزى ەسىنەن تانىپ قالدى. وعان دا دەم بەرىپ، ەسىن جيدىردى، دەيدى ەرىك توكەن ۇلى.

ونىڭ ايتۋىنشا، زارداپ شەككەندەر اراسىندا قولى، جامباسى سىنعاندار بار كورىنەدى.

وت كۇشەيگەندە ەرىكتى جاندار 16-قاباتقا كرانمەن كوتەرىلگەن ەكەن.

ول وسى ماڭداعى قۇرىلىس كومپانياسىنا تيەسىلى ەكەن. سولارعا جانە وسى اراداعى «ءاسيا» دۇكەنىنىڭ قوجايىنىنا العىس ايتامىز. دۇكەن يەسى سۋ، ءسۇت، ايراننىڭ بارلىعىن تەگىن تاراتتى، دەيدى داۋلەتقالي نۇرلان ۇلى.


سوڭعى جاڭالىقتار