ون ءتورت جىل بۇرىن جوعالعان ايەل جەرلەسىنىڭ ۇيىندە بۇعاۋدا بولعان

چەليابى. قازاقپارات - رەسەي تەرگەۋ كوميتەتىنىڭ قىزمەتكەرلەرى «2009 -جىلى ايەلدى ۇرلاپ جاسىردى» دەگەن كۇدىكپەن چەليابى تۇرعىنىنىڭ ۇستىنەن قىلمىستىق ءىس قوزعادى.
None

رەسەي تەرگەۋ كوميتەتىنىڭ چەليابى وبلىسى بويىنشا تەرگەۋ باسقارماسى جاريالاعان مالىمەتتەرگە سايكەس، ايەل جاقىندا بۇعاۋدان بوساپ شىققان، دەپ حابارلايدى قازاقپارات تاسس-قا سىلتەمە جاساپ.

«جەرگىلىكتى تۇرعىننىڭ ۇستىنەن ر ف ق ك 126-بابى 2-تارماعى «ۆ» تارماقشاسى (ادام ۇرلاۋ) بويىنشا قىلمىستىق ءىس قوزعالدى. قازىر ەر ادام ەمدەۋ مەكەمەسىندە، ول ءتارتىپ ساقشىلارىنىڭ باقىلاۋىنا الىندى»، - دەلىنگەن حابارلامادا.

تەرگەۋ مالىمەتتەرىنە سايكەس، 2009 -جىلى كۇزدە چەليابى تۇرعىنى بىرگە ىشىمدىك ءىشۋ سىلتاۋىمەن جەرگىلىكتى ايەلدى ۇيىنە الىپ كەلەدى. سودان بەرى ول ايەلدى ۇيىندە ۇستاعان. پسيحيكالىق دەرتى اسقىنعان ەر ادام ەمدەۋ مەكەمەسىنە جاتقىزىلدى، ال ايەل بۇعاۋدان بوساتىلدى.

تەرگەۋشىلەر ايعاقتار بازاسىن تولىقتىرۋ باعىتىندا جۇمىس ىستەپ جاتىر.

ايتا كەتسەك، كىرپىش ءۇي قالانىڭ سول جاعالاۋىندا ورنالاسقان.

باسقارمانىڭ باسپا ءسوز قىزمەتى حابارلاعانداي، تەرگەۋ بارىسىندا كۇدىكتىنىڭ 2011 -جىلى بولعان ايەل ولىمىنە قاتىسى بارى انىقتالعان. ايەلدىڭ دەنەسى بولشەكتەلىپ، ءۇيدىڭ جەرتولەسىندە كومىلگەن. بۇل فاكتى بويىنشا ر ف ق ك 105-بابى 1-تارماعىمەن قىلمىستىق ءىس تىركەلدى.


سوڭعى جاڭالىقتار