ا ق ش- تا ەر ادام ايەلدى پىشاقتاپ ءولتىرىپ، ۆيدەوسىن فەيسبۋككە جاريالاعان

سان ماتەو. قازاقپارات - امەريكانىڭ سان ماتەو قالاسىندا ەر ادام ايەلدى پىشاقتاپ ءولتىرىپ، ۆيدەوسىن Facebook-كە جاريالاعان، دەپ حابارلايدى قازاقپارات CNN اگەنتتىگىنە سىلتەمە جاساپ.
None
Photo: Pixabay

تاياۋدا سان ماتەو پوليتسياسىنا قوڭىراۋ تۇسكەن: حابارلاسقان ادام Facebook-تە ايەلگە پىشاقپەن شابۋىلداپ جاتقان ءساتتىڭ كۋاسى بولعانىن ايتقان.

سونداي-اق، ول پوليتسياعا ۆيدەونى الەۋمەتتىك جەلىگە سالعان ادامنىڭ اتى-ءجونى مەن تەلەفون ءنومىرىن بەرگەن.

تەلەفون ءنومىرىن تەكسەرۋ بارىسىندا ونىڭ سان ماتەوداعى تۇرعىن ءۇي كەشەندەرىنىڭ بىرىندە ەكەنى انىقتالعان.

كەيىنىرەك سان حوسە قالاسىندا 39 جاستاعى كۇدىكتى مارك مەچيكوۆ تۇتقىندالدى.

پوليتسەيلەردىڭ ايتۋىنشا، ونىڭ ايەلگە نە ءۇشىن پىشاق الا جۇگىرگەنى بەلگىسىز.

كۇدىكتى قاشىپ كەتكەن، ءبىراق پوليتسەيلەر ونى مارقۇمنىڭ ءمايىتىن تاپقاننان كەيىن ەكى ساعات ىشىندە ۇستادى.

پوليتسيانىڭ مالىمەتىنشە، ول ولتىرگەن ادامىن تانيدى.

وعان قاساقانا كىسى ءولتىردى دەگەن ايىپ تاعىلدى.


سوڭعى جاڭالىقتار