بۇرىنعى ۆيتسە-مينيستر تيمۋر توقتابايەۆقا قاتىستى تەرگەۋ اياقتالدى

استانا. قازاقپارات - انتيكور ەكس ۆيتسە-مينيسترگە قاتىستى تەرگەۋدى اياقتادى، دەپ حابارلايدى قازاقپارات ۆەدومستۆوعا سىلتەمە جاساپ.
None

سىبايلاس جەمقورلىققا قارسى قىزمەت بۇرىنعى يندۋستريا جانە ينفراقۇرىلىمدىق دامۋ ۆيتسە-ءمينيسترى ت. توقتابايەۆقا قاتىستى لاۋازىمدىق وكىلەتتىگىن اسىرا پايدالانۋ فاكتىسى بويىنشا سوتقا دەيىنگى تەرگەۋدى اياقتادى.

ول قوستاناي وبلىسىنداعى قاتتى پايدالى قازبالاردىڭ (نيكەل جانە كوبالت) ءىرى قورى انىقتالعان «شيەۆچەنكوۆسكوە» كەن ورنىن بارلاۋ سىلتاۋىمەن اففيليرلەنگەن تۇلعالارعا اۋكتسيونسىز زاڭسىز بەرگەن دەپ ايىپتالىپ جاتىر.

ناتيجەسىندە ونىڭ باقىلاۋىنداعى كومپانيا قول قويۋ بونۋسىنىڭ ەڭ تومەنگى قۇنىمەن وندىرۋگە دايىن كەن ورنىن العان.

ءوزىنىڭ الەمدىك قورى بويىنشا بىرەگەي نيكەل جانە كوبالت تۇرىندەگى قاتتى پايدالى قازبالار 100 ميلليون توننا 5,7 تريلليون تەڭگە سوماسىنا باعالانادى.

تەرگەۋ بارىسىندا قابىلدانعان شارالاردىڭ ارقاسىندا اتالعان كەن ورنى مەملەكەت پايداسىنا قايتارىلدى.

قازاقستان رەسپۋبليكاسىنىڭ باس پروكۋراتۋراسى ايىپتالۋشى ت. توقتابايەۆتى سوتقا بەردى.

قىلمىستىق- پروتسەستىك كودەكسىنىڭ 201-بابىنا سايكەس وزگە اقپارات جاريالانبايدى.

ەسكە سالا كەتەيىك، تيمۋر توقتابايەۆ بىلتىر 9- قاراشادا پايدالى كەن ورىندارىن زاڭسىز ۇلەستىردى دەگەن كۇدىكپەن ۇستالعان ەدى.

اتالعان مينيسترلىك ونىڭ 3 جىل بۇرىن قىزمەتتەن كەتىپ قالعانىن مالىمدەدى.

سوڭعى جاڭالىقتار