ەلگە كوشىپ كەلگەن قانداستارعا قانداي قولداۋ كورسەتىلەدى - تاشكەنتتەگى كەزدەسۋ

حورەزم، بۇحارا، ناۋاي، جىزاق، سىرداريا جانە تاشكەنت وبلىسىنان كەلگەن مادەني ورتالىق باسشىلارى مەن ۇلت زيالىلارى ماڭىزدى ءىس- شارادا ءوزارا پىكىر الماستى.

كەزدەسۋدە قوعام پرەزيدەنتى ابزال ساپاربەك ۇلى «وتانداستار قورىنىڭ» شەتتەگى جانە ەلدەگى اتقارعان جۇمىستارى مەن جوسپارلارى تۋرالى اڭگىمە ءوربىتتى.

ا. ساپاربەك ۇلى مەملەكەت باسشىسى قاسىم- جومارت توقايەۆتىڭ تۇركىستاندا وتكەن ۇلتتىق قۇرىلتايداعى «شەتەلدەگى قانداستارىمىزبەن تىعىز قارىم- قاتىناس ورناتىپ، رۋحاني بايلانىستى نىعايتا بەرەمىز. بۇل ماسەلە - مەنىڭ جەكە نازارىمدا.» - دەگەن ءسوزىن ەسكە سالا وتىرىپ، قانداس جاستارعا، ەلگە كوشىپ كەلەتىن قانداستارعا ارنالعان مەملەكەتتىك قولداۋعا كەڭىنەن توقتالدى.

ءوز كەزەگىندە، قانداستارىمىز قازاق مەكتەپتەرىندەگى مۇعالىمدەردىڭ بىلىكتىلىگىن ارتتىرۋ، جاستاردىڭ قازاقستاندا ج و و ءتۇسۋ ءۇشىن ۇ ب ت تاپسىرۋداعى قيىندىقتار، قازاق تىلىندە كىتاپتار مەن مادەني ءىس- شارالارعا دەگەن سۇرانىستار تۋرالى ءوز ويىمەن ءبولىسىپ، ۇسىنىستارىن جەتكىزدى.

جيىن سوڭىندا، قازاقستان رەسپۋبليكاسىنىڭ پرەزيدەنتى قاسىم- جومارت كەمەل ۇلى توقايەۆتىڭ العىس حاتىمەن «نۇرلى جول» گازەتىنىڭ رەداكتورى عۇلامزاكىر يۋسۋپوۆ پەن «كەنيمەح تاڭى»، «تامدى شارۋاگەرى» گازەتىنىڭ شىعارۋشى رەداكتورى گۇلدانا نارىنبەتوۆا ماراپاتتالدى.

سونداي- اق، ءبىرقاتار قازاق ورتالىقتارىنا ۇلتتىق بي كويلەك توپتامالارى مەن وتانداستار قورىنىڭ «ءار قازاققا ءبىر كىتاپ» اكسياسى شەڭبەرىندە جينالعان كىتاپتار تارتۋ ەتىلدى.