گەرمانيا «التىن ادام» جادىگەرىمەن كورمە ۇيىمداستىرۋعا نيەتتى

«التىن ادام» جادىگەرى 2017-2020 جىلدار ارالىعىندا «التىن ادامنىڭ الەم مۋزەيلەرىنە شەرۋى» اتتى حالىقارالىق جوباسى اياسىندا ۇيىمداستىرىلعان 12 مەملەكەتتە كورمەگە قويىلدى. اتاپ ايتقاندا، رەسەي، بەلارۋس، قىتاي، ازەربايجان، پولشا، وڭتۇستىك كورەيا، وزبەكستان، سولتۇستىك ماكەدونيا، تۇركيا، مالايزيا، گرەتسيا جانە ءۇندىستان. الداعى ۋاقىتتا ۇسىنىستاردىڭ تۇسۋىنە بايلانىستى «التىن ادام» مەن مۋزەيدەگى تاريحي قۇندىلىعى بار جادىگەرلەردى شەت مەملەكەتتەر كورمەلەرىنە شىعارۋ جوسپاردا بار. ناقتىراق ايتساق، 2023 -جىلى 20- ماۋسىمدا ۇلتتىق مۋزەيگە ساپارمەن كەلگەن گەرمانيانىڭ فەدەرالدى پرەزيدەنتى فرانك- ۆالتەر شتاينمايەر «التىن ادامعا» قىزىعۋشىلىق تانىتىپ، كورمەنى گەرمانيادا ۇيىمداستىرۋ تۋرالى ويىن ءبىلدىردى» ، - دەلىنگەن جاۋاپتا.
ءمالىم ەتىلنگەندەي، 1970 -جىلى الماتى وبلىسىنىڭ ەسىك قورعانىنان تابىلعان، ب. د. د. V–ІV ع ع تيەسىلى التىن كيىمدى ساق جاۋىنگەرىنىڭ («التىن ادام» ) ءتۇپنۇسقاسى حالىقارالىق مۋزەي ستاندارتىنا سايكەس ۇلتتىق مۋزەيدىڭ ارنايى قورىندا ساقتاۋلى تۇر.
ساق پاتشاسىنا تيەسىلى بۇل ولجا جالپى سانى 4 مىڭ دانادان تۇراتىن اشەكەي بۇيىمدارمەن بەزەندىرىلگەن.