22:59, 28 - شىلدە 2023 | GMT +5
مەسسي جاڭا كوماندالاستارىنىڭ بارىنە سىي جاسادى
استانا. قازاقپارات -ارگەنتينالىق فۋتبولشى ليونەل مەسسي «ينتەر ماياميدەگى» بۇكىل كوماندالاستارىنا سىيلىق تابىستادى، - دەپ جازادى Goal ينتەرنەت باسىلىمى.

شابۋىلشى كومانداداعى ءار ويىنشىعا Beats by Dre قۇلاققابىن سىيعا تارتقان. بۇل جايىندا كوماندانىڭ قورعاۋشىسى دەاندرە يەدلين سۇحباتىندا ايتتى. سىيلىقتىڭ ءتۇسى «ينتەر مايامي» جەيدەسىنە سايكەستەندىرىلىپ جاسالعان.
36 جاستاعى ارگەنتينالىق ويىنشى امەريكالىق كلۋب ساپىندا ەكى ويىن وتكىزىپ ۇلگەردى. ليگا كۋبوگى جولىندا «كرۋس اسۋلعا» قارسى ويىندا جەڭىس گولىن سوقسا، «اتلانتا يۋنايتەدپەن» وتكەن كەزدەسۋدە دۋبل جاسادى.