قۇندى جادىگەر «التىن ادام» ءتۇپنۇسقاسى ۇرلانعان جوق - ۇلتتىق مۋزەي

استانا. قازاقپارات - ۇلتتىق مۋزەي باسشىلىعى «التىن ادام» جادىگەرى اينالاسىنداعى قاۋەسەتتەرگە تۇسىنىك بەردى، دەپ حابارلايدى قازاقپارات.
None

«التىن ادام» جادىگەرى توڭىرەگىندە بولىپ جاتقان كەلەڭسىز جاعدايلارعا بايلانىستى حالىق تاراپىنان تەرىس، جاعىمسىز وي پىكىر قالىپتاسقان جوق. اتالعان جادىگەر - وتاندىق كەلۋشىلەر مەن شەتەلدىك تۋريستەر قىزىعۋشىلىعىن تانىتىپ، سۋرەتكە تۇسەتىن تانىمال ەكسپوناتتاردىڭ ءبىرى. سونداي- اق «التىن ادامنىڭ ءتۇپنۇسقاسى ۇرلاندى» دەگەن ءسوز شىندىققا جاناسپايدى»، - دەلىنگەن قازاقپاراتتىڭ رەسمي ساۋالىنا وراي مۋزەيدىڭ بەرگەن جاۋابىندا.

ودان بولەك، ۇلتتىق مۋزەي باسشىلىعى «التىن ادام» جادىگەرىن ساقتاۋ جانە كورمە ۇيىمداستىرۋ شىعىندارىنا قاتىستى مالىمەت ۇسىندى.

«التىن ادامدى» ساقتاۋعا، ەل ىشىندە جانە باسقا دا مەملەكەتتەرگە اپارۋعا قاجەتتى قارجىنىڭ كولەمى بىرنەشە فاكتورعا بايلانىستى - كورمەنىڭ ءوتۋ مەرزىمىنە، الاڭنىڭ اۋماعىنا، جادىگەرلەردى ساقتاندىرۋ قۇنىنا، جۇمىلدىراتىن ماماندار سانىنا، تاسىمالداۋ شىعىندارى مەن تاعى باسقاسىنا. اتالعان تالاپتار نەگىزىندە ەل ىشىندە جانە شەت ەلدەردە «التىن ادام» كورمەسىن ۇيىمداستىرۋعا قاجەتتى قارجى رەسۋرستارى كولەمى ايقىندالادى»، - دەيدى مۋزەيدەن.

ەسكە سالا كەتەيىك، بىلتىر 28 -مامىردا ۇلتتىق مۋزەيدىڭ بۇرىنعى ديرەكتورى ارىستانبەك مۇحامەدي ۇلى سوت سانكسياسىمەن قاماۋعا الىنعان ەدى. وعان «التىن ادامنىڭ الەم مۋزەيلەرىنە شەرۋى» حالىقارالىق كورمەسىن وتكىزۋ كەزىندە 146 ميلليون تەڭگە بيۋدجەت قاراجاتىن جىمقىردى دەگەن ايىپ تاعىلدى.

ا. مۇحامەدي ۇلى بيىلعى 20 -ماۋسىمدا سوت ۇكىمىمەن 8 جىلعا باس بوستاندىعىنان ايىرىلدى.


سوڭعى جاڭالىقتار