قازاقستان مەن ف ا و شەگىرتكەمەن بىرلەسىپ كۇرەسۋ جونىندە كەلىستى

ا ش م اگروونەركاسىپتىك كەشەندەگى مەملەكەتتىك ينسپەكتسيا كوميتەتىنىڭ مالىمەتىنە سايكەس، ورتالىق الاڭىندا زيانكەستەرمەن كۇرەس سالاسىنداعى بىرلەسكەن جوبالاردى ىسكە اسىرۋ ماسەلەلەرى تالقىلاندى.
اتاپ ايتقاندا، درونداردى پايدالانا وتىرىپ، جاندىكتەردى انىقتاۋ اۋماقتارىنىڭ مونيتورينگىن ەنگىزۋ تۋرالى ءسوز بولدى. بۇل بولاشاقتا جەردى فيتوسانيتاريالىق وڭدەۋدى دالىرەك جۇرگىزۋگە مۇمكىندىك بەرەدى.
ا ش م باسشىسى سونداي-اق، ەۋرازيا وڭىرىندەگى تابىن زيانكەستەرىمەن كۇرەس ماسەلەلەرىن نەعۇرلىم جەدەل جانە ءتيىمدى شەشۋگە جاردەمدەسەتىن ف ا و-نىڭ شەگىرتكەلەر جونىندەگى تۇراقتى كوميسسياسىن قۇرۋ يدەياسىن قولدادى.
ايتا كەتەيىك، اۆستراليا مەن ماروككو شەگىرتكەلەرمەن كۇرەسۋدىڭ وزىق تاجىريبەسىنە يە. ەربول قاراشوكەيەۆ مينيسترلىكتىڭ قازاقستاندىق مامانداردى ماروككوعا وقۋعا جىبەرۋ جوسپارى بارىن حابارلادى، سونداي-اق ۆەدومستۆودا تاجىريبە الماسۋ ءۇشىن ماروككولىق ساراپشىلاردى ءبىزدىڭ ەلگە شاقىرۋ مۇمكىندىگى قاراستىرىلىپ جاتىر.