قازاقستاندا وبلىس اكىمى بولعان تۇڭعىش ايەل ادام قازىر قايدا جۇرگەنىن ايتتى

None
استانا. قازاقپارات - قىزىلوردا وبلىسىنىڭ اكىمى بولعان گۇلشارا ءابدىحالىقوۆا قازىر نەمەن اينالىسىپ جۇرگەنىن ايتتى، دەپ حابارلايدى Arbat.media.

قاڭتار وقيعاسىنان كەيىن اراعا ۋاقىت سالىپ قىزمەتىنەن كەتكەن گۇلشارا ءابدىحالىقوۆانىڭ قانداي قىزمەتكە تاعايىنداعانى ايتىلماعان ەدى. Atameken Business تىلشىسىنە بەرگەن سۇحباتىندا ول قانداي جۇمىسپەن اينالىسىپ جۇرگەنىن ايتتى.

قىزىلوردا وبلىسى اكىمدىگىنەن كەتكەن سوڭ «قازمۇنايگاز» كومپانياسىندا ءىرى جوبالاردى جۇرگىزىپ جاتىرمىن. ءار جۇمىستىڭ وزىندىك ەرەكشەلىگى بار. ءبىراق، بۇرىنعى تاجىريبەم، وبلىستاعى تاجىريبەم، ۇكىمەتتە جۇمىس ىستەگەنىم دە جاقسى كومەكتەسىپ جاتىر. كەز كەلگەن جۇمىسقا بىلەكتى سىبانىپ كىرىسسەڭ، ناتيجە بولادى عوي، - دەدى گۇلشارا ءابدىحالىقوۆا سۇحبات بارىسىندا.

گ. ءابدىحالىقوۆا بىلتىر ءساۋىر ايىندا وبلىس اكىمى لاۋازىمى قىزمەتىنەن بوساتىلدى. 2022 -جىلدىڭ ماۋسىم ايىندا «قازمۇنايگاز» ۇلتتىق كومپانياسى ا ق ادام رەسۋرستارىن باسقارۋ جونىندەگى بيزنەس-سەرىكتەسى قىزمەتىنە كىرىسكەن. ول قازاقستاندا وبلىس اكىمى بولعان ازىرگە جالعىز ايەل اكىم. شەنەۋنىك ءار جىلدارى ەڭبەك جانە حالىقتى الەۋمەتتىك قورعاۋ ءمينيسترى، ۆيتسە-پرەمەر، مەملەكەتتىك حاتشى قىزمەتتەرىن اتقارىپ، وبلىس اكىمى جانە ءماجىلىس دەپۋتاتى بولدى.


سوڭعى جاڭالىقتار