ءاليحان سمايىلوۆ رەسمي ساپارمەن ازەربايجانعا باردى
باكۋ. قازاقپارات – ق ر پرەمەر-ءمينيسترى ءاليحان سمايىلوۆ ازەربايجان رەسپۋبليكاسىنا رەسمي ساپارمەن باردى، دەپ حابارلايدى قازاقپارات ۇكىمەتتىڭ باسپا ءسوز قىزمەتىنە سىلتەمە جاساپ.
قازاقستان ۇكىمەتى باسشىسىن باكۋ اۋەجايىندا ازەربايجان پرەمەر-ءمينيسترىنىڭ ورىنباسارى ءالي احمەدوۆ پەن ازەربايجان رەسپۋبليكاسىنداعى قازاقستاننىڭ توتەنشە جانە وكىلەتتى ەلشىسى ءالىم بايەل كۇتىپ الدى.
ساپار بارىسىندا قازاقستان ۇكىمەتىنىڭ باسشىسى ءاليحان سمايىلوۆ ازەربايجان پرەزيدەنتى يلحام الييەۆپەن كەزدەسەدى، سونداي-اق ازەربايجان پرەمەر-ءمينيسترى ءالي اسادوۆپەن مەملەكەتارالىق ىنتىماقتاستىقتىڭ وزەكتى ماسەلەلەرىن تالقىلايدى.
اتاپ ايتقاندا، كولىك-لوگيستيكا، ساۋدا-ساتتىق، ەنەرگەتيكا، اگرارلىق سەكتور، IT جانە ونەركاسىپتىك كووپەراتسيا سالالارىنداعى بىرلەسكەن قادامدار قاراستىرىلادى.
