ەستونيا بالتىق ەلدەرىنىڭ اراسىندا العاش بولىپ ءبىر جىنىستى نەكەنى زاڭداستىردى
شەشىم ءبىراۋىزدان قابىلدانبادى: ءبىرجىنىستى نەكەنى رييگيكوگۋ (ەستونيا پارلامەنتى) 55 دەپۋتاتى قولداسا، 34- ءى قارسى داۋىس بەردى. قارسى شىققانداردىڭ باسىم بولىگى وڭ پارتيا وكىلدەرى، ولار جاڭا زاڭناما ءداستۇرلى وتباسى قۇندىلىعىنا نۇقسان كەلتىرەتىنىن ايتتى. ءبىر دەپۋتات داۋىس بەرۋدەن قالىس قالسا، 11 ادام قاتىسقان جوق.
«مەن ەلىمدى ماقتان تۇتامىن، ءبىز ءار ادامنىڭ قۇقىعى قۇرمەتتەلەتىن جانە ادامدار ەركىن جاقسى كورە الاتىن قوعام قۇرىپ جاتىرمىز»، - دەپ مالىمدەدى ەستونيا پرەمەر- ءمينيسترى كايا كاللاس.
جاڭا زاڭناما بيلىككە ليبەرالدىق كواليتسيالىق ۇكىمەت كەلگەننەن كەيىن ەكى اي وتكەن سوڭ قابىلداندى. كاللاس ءبىر جىنىستى نەكەگە رۇقسات بەرۋ قاجەتتىلىگى تۋرالى كەلىسسوزدەردى ناۋرىزدا باستاعان ەدى.
وسى جىلى ادام قۇقىعى جونىندەگى ورتالىق جۇرگىزگەن ساۋالناماعا سايكەس، ءتۇرلى جىنىستى جانە ءبىر جىنىستى نەكەنىڭ تەڭدىگىن قولداپ 1,3 ميلليون تۇرعىننىڭ % 53- ى داۋىس بەردى. 2012 -جىلى ءبىر جىنىستى نەكەنى تەك % 34 قولداعان بولاتىن.
