ەرتەڭ پرەزيدەنتتىڭ قاتىسۋىمەن ۇلتتىق قۇرىلتاي وتىرىسى وتەدى
استانا. قازاقپارات - پرەزيدەنت قاسىم- جومارت توقايەۆ ەرتەڭ تۇركىستان قالاسىندا ۇلتتىق قۇرىلتايدىڭ ەكىنشى وتىرىسىن وتكىزەدى. قازاقپارات بۇل تۋرالى اقورداعا سىلتەمە جاساپ حابارلايدى.
ەسكە سالايىق، ۇلتتىق قۇرىلتايدىڭ العاشقى وتىرىسى بىلتىر 16-ماۋسىمدا ۇلىتاۋ وبلىسىندا وتكەن بولاتىن.
قۇرىلتاي بارلىق وبلىستىڭ، سان ءتۇرلى سالانىڭ، ءار بۋىننىڭ وكىلدەرىن قامتيدى. مۇندا ازاماتتىق ۇستانىمى بار ورتا بۋىننىڭ تاجىريبەسى، جاڭاشا ويلايتىن جاستاردىڭ تىڭ يدەيالارى ورتاعا سالىنادى.
جيىندا ءسوز سويلەگەن مەملەكەت باسشىسى كەلەسى باسقوسۋدى كيەلى تۇركىستاندا وتكىزۋدى ۇسىنعان ەدى. «قۇرىلتايدىڭ ءار ايماقتا ءوتۋى سول ءوڭىردىڭ دامۋىنا سەرپىن بەرەدى. ونىڭ مۇشەلەرى ءار جولى ءبىر ءوڭىردىڭ تىنىس- تىرشىلىگىمەن تانىسادى»، - دەدى ق. توقايەۆ.
