ەلىمىزدە قاي سالا ماماندارىنا سۇرانىس جوعارى

None
استانا. قازاقپارات - بيىلعى مامىر ايىندا ەلەكتروندىق ەڭبەك بيرجاسىندا 94,9 مىڭ بوس جۇمىس ورنى جانە 74,5 مىڭ تۇيىندەمە ورنالاستىرىلدى. بۇل ساۋىرمەن سالىستىرعاندا جوعارى كورسەتكىش، دەپ حابارلايدى قازاقپارات.

ەڭبەك جانە حالىقتى الەۋمەتتىك قورعاۋ مينيسترلىگى باسپا ءسوز قىزمەتىنىڭ مالىمەتىنە قاراعاندا، كادرلار ءپروفيتسيتى الدىڭعى ايداعىداي وڭتۇستىك وبلىستاردا، اتاپ ايتقاندا شىمكەنت قالاى (تۇيىندەمە سانى بوس ورىندار سانىنان 2,4 مىڭعا نەمەسە %78 -عا اسىپ كەتكەن) مەن تۇركىستان وبلىسىندا (5,1 مىڭعا نەمەسە %76 -عا) بايقالدى.

ەڭبەك نارىعىندا ەڭ سۇرانىسقا يە كادرلار اۆتوموبيل جۇرگىزۋشىلەرى (1,9 مىڭ بوس جۇمىس ورنى جانە 1,5 مىڭ تۇيىندەمە)، كۇزەتشىلەر (1,6 مىڭ بوس جۇمىس ورنى جانە 889 تۇيىندەمە) جانە تاربيەشىلەر (1,5 مىڭ بوس جۇمىس ورنى جانە 810 تۇيىندەمە) بولىپ وتىر. ءساۋىر ايىمەن سالىستىرعاندا مەديتسينا قىزمەتكەرلەرىنە (1,6 مىڭ بوس جۇمىس ورنى جانە 1 مىڭ تۇيىندەمە) جانە بايلانىس ورتالىعىنىڭ وپەراتورلارىنا (1,9 مىڭ بوس جۇمىس ورنى جانە 11 تۇيىندەمە) سۇرانىس ارتقانى بايقالدى. ال ەگىس ناۋقانىنىڭ اياقتالۋىنا بايلانىستى مامىر ايىندا ساۋىرمەن سالىستىرعاندا اۋىل شارۋاشىلىعى سالاسىنىڭ ماماندارىنا سۇرانىس تومەندەگەن.

جۇمىس ىزدەۋشىلەردىڭ اراسىنداعى ەڭ بەلسەندى توپ ءداستۇرلى تۇردە 16-35 جاس ارالىعىنداعى جاستار بولىپ قالا بەرەدى.

ايتا كەتۋ كەرەك، ەەب- دا ۇمىتكەرلەردىڭ %5,3 ى قاجەتتى جالاقى مولشەرىن كورسەتپەۋدى ءجون كورەدى.

سوڭعى جاڭالىقتار