بالانىڭ ىشەگىندە قۇرت بار ەكەنىن قالاي بىلۋگە بولادى؟

None
استانا. قازاقپارات - ىشەك قۇرتتارىن جۇقتىراتىن قاۋىپتى ۋاقىت - جاز-كۇز مەرزىمى. جەمىستەر مەن كوكونىستەردىڭ مول بولۋى، سۋ قويمالارىنىڭ اينالاسىندا دەمالۋ - ءبىر قاراعاندا دەنساۋلىققا پايدالى نارسەلەر بولعانىمەن، جەكە گيگيەنانى ساقتاماسا، ولار ىشەك قۇرتتارىن جۇقتىرىپ الۋعا سەبەپشى بولا الادى.

ىشەك قۇرتتارىن كەز كەلگەن جەردەن جۇقتىرىپ الۋعا بولادى: قۇمسالعىش، باقشا، جاعاجاي، بالباقشا جانە ءۇيدىڭ كىرەبەرىسى. ال كەي بالالاردىڭ اۋزىنا قولىن سالۋ جانە تىرناعىن تىستەۋ ادەتى قۇرتتاردى جۇقتىرىپ الۋ قاۋپىن ودان سايىن ارتتىرادى. سونداي-اق ءۇي جانۋارلارى جانە ساپاسىز تاعامدار ارقىلى دا پارازيتتەردى جۇقتىرىپ الۋعا بولادى. ەندەشە، بالادا ىشەك قۇرتتارى بار ەكەنىن قالاي انىقتاۋعا بولادى؟

بالا اعزاسىنداعى ىشەك قۇرتتارى نەسىمەن قاۋىپتى؟

ىشەك قۇرتتارى - ادام دەنەسىن ءوز مەكەنى ەتىپ پايدالاناتىن پارازيتتەر. ولاردىڭ اعزادا بولۋى جاعىمسىز سالدارلارعا اكەلەدى: سالماق ازايادى، اۋىرادى جانە ءبىرقاتار اۋرۋلاردىڭ پايدا بولۋ قاۋپىن ارتتىرادى. ىشەك قۇرتتارى سەبەبىنەن تۋىندايتىن كەڭ تاراعان اۋرۋلارعا اسكاريدوز، ەنتەروبيوز، توكسوكاروز، وپيستورحوز جانە ليامبليوز جاتادى.

بالانى قاۋىپسىزدەندىرۋ ءۇشىن قۇرتتاردىڭ بار ەكەنىن انىقتاعان بويدا سايكەس شارالار قولدانۋ كەرەك.

ىشەك قۇرتتارىنىڭ بار ەكەنىن كورسەتەتىن بەلگىلەر

پارازيتتىك اعزالاردىڭ تۇرلەرى كوپ، ءبىراق بالالاردا مىنالار ءجيى كەزدەسەدى:

اسكاريدالار. ولار ءجيى ىشەك جانە وكپە اۋرۋلارىنىڭ پايدا بولۋىنا سەبەپ بولادى؛

جىلان قۇرتتار (وستريتسى). ولاردىڭ اعزادا بولۋى ءتۇرلى ىشەك جانە يممۋندى رەاكسيالارعا اكەلۋى مۇمكىن.

قۇرتتاردىڭ بارىن بالانىڭ ۇلكەن دارەتىن ۆيزۋالدى قاراۋ ارقىلى انىقتاۋعا بولادى. سونداي-اق قان اناليزى دە جاقسى ناتيجە كورسەتەدى.

بۇل پروبلەمانى اناليزدەرمەن قاتار بالا جاعدايىنا جانە ارەكەتىنە قاراپ انىقتاۋعا بولادى.

بالا اعزاسىندا ىشەك قۇرتتارىنىڭ بارىن مىنا بەلگىلەردەن بىلۋگە بولادى:

بالا دەنە ماسساسىنىڭ ازايۋى؛

انال تەسىگى اينالاسىنىڭ قىشۋى؛

تاڭەرتەڭ جۇرەك اينۋ؛

ۇيىقتاپ جاتقاندا ءتىسىن شىقىرلاتۋ؛

تۇندە اۋزىنان سىلەكەيدىڭ كوپ اعۋى؛

ءىش قاتۋ؛

تىسجەگى؛

كىندىك تۇسىنىڭ اۋىرۋى؛

تەرىنىڭ بوزارۋى؛

كوز استىنىڭ كوگەرۋى؛

ناشار تابەت؛

سانىنىڭ جانە بىلەگىنىڭ قىزارىپ، ءبورتىپ كەتۋى.

ارينە، بولەك-بولەك بۇل بەلگىلەر باسقا اۋرۋلاردىڭ سەبەبى بولۋى مۇمكىن. ءبىراق بالادان ولاردىڭ بىردەن بىرنەشەۋىن بايقاساڭىز، بۇل ىشەك قۇرتتارىنىڭ بەلگىسى بولۋى ابدەن مۇمكىن. قالاي دەسە دە، بۇلار - بالانى دارىگەرگە كورسەتۋگە سەبەپ.

ەمدەۋ جولى

وزدىگىنەن ەم باستاۋعا بولمايدى. الدىمەن پروبلەمانىڭ بار-جوعىن ناقتى انىقتاۋ قاجەت. ول ءۇشىن اۋرۋحاناعا بارىپ، قان جانە ءناجىس ءاناليزىن تاپسىرۋ كەرەك. اۋرۋحانادا قۇرتتاردىڭ بار-جوعىن انىقتاپ، ءتىپتى ميكرواعزانىڭ تۇرىنە دەيىن ايتىپ بەرە الادى. سودان سوڭ عانا ەم ءتۇرى تاڭدالادى. دارىلەردى دارىگەر كەڭەسىنسىز ءىشۋ رۇقسات ەتىلمەيدى. سەبەبى باقىلاۋسىز ىشىلگەن ءدارى بالا اعزاسىنا، كەرىسىنشە، زيانىن تيگىزۋى مۇمكىن.

massaget.kz


سوڭعى جاڭالىقتار