10:43, 13 - ماۋسىم 2023 | GMT +6
ەر-ازاماتتار كوڭىل كوتەرۋگە بەيىم كەلەدى
استانا. قازاقپارات- قازىرگى قوعامدا ايەلدەر ەرلەر سياقتى كوپ كوڭىل كوتەرە المايدى ەكەن. ۇلى بريتانيالىق Jackpotjoy پورتالى جۇرگىزگەن زەرتتەۋدىڭ ناتيجەسىنە قاراعاندا، بۇعان جاۋلىقتىلاردىڭ كۇيبەڭ تىرلىگى سەبەپ.
ساۋالناماعا قاتىسقان ءاربىر ءۇشىنشى كەلىنشەك ەرلەردىڭ بوس ۋاقىتتى وتە ءتيىمدى ءارى كوڭىلدى وتكىزەتىنىن ايتقان. رەسپوندەنتتەردىڭ ۇشتەن ءبىرى كۇيەۋىنەن گورى ءوزىنىڭ كۇيبەڭ تىرلىكپەن كوبىرەك اينالىساتىنىنا شاعىم ءبىلدىرىپتى. ال ايەلدەردىڭ 50 پايىزدان استامى «ەرلەر وزگەلەردىڭ جاعدايىن ويلامايدى، سول سەبەپتى كوپ قىدىرادى» دەپ جاۋاپ بەرگەن.
ەندى ءبىر توبى ماسەلەنىڭ ەرلەردە ەمەس ەكەنىن ايتقان، مىسالى، ءاربىر جەتىنشى ايەل ءوزىنىڭ جۇرتتان ۇيالاتىندىعىنان كوپ كوڭىل كوتەرمەيتىنىن مويىنداپتى. ەرلەر اراسىندا جۇرگىزگەن ساۋالناما دا ۇلى بريتانيالىق ەر-ازاماتتاردىڭ دەنىنىڭ ءومىردى ويىن-ساۋىقپەن وتكىزەتىنىن دالەلدەپ بەردى. مامانداردىڭ ايتۋىنشا، بۇل جايت بۇكىل الەم بويىنشا ەتەك العان ءۇردىس بولۋى مۇمكىن.
