08:22, 16 - مامىر 2023 | GMT +6
الماتىدا ءدىن قىزمەتكەرلەرى رەسپۋبليكالىق سىناقتان وتەدى
الماتى. قازاقپارات - الماتىدا ءدىن قىزمەتكەرلەرىنىڭ رەسپۋبليكالىق كەزەكتى اتتەستاتتاۋى باستالدى، دەپ حابارلايدى قازاقپارات ءتىلشىسى.
الماتى ورتالىق مەشىتىنىڭ باسپا ءسوز قىزمەتى حابارلاعانداي، شاھارداعى 54 مەشىتتە قىزمەت ەتەتىن يمامدار مەن ۇستازدار ساراپتاۋ كوميسسياسىنىڭ سىناعىنان وتەدى.
«سىناق بارىسىندا ءدىن قىزمەتكەرلەرىنە قىراعات، ءتاجۋيد، اقيدا، فيقھ، يسلام تاريحى سالالارى بويىنشا سۇراقتار توپتاستىرىلعان بيلەتتەر ۇسىنىلدى. ءدىن قىزمەتكەرلەرىنىڭ ءبىلىمىن ساراپتاپ، بىلىكتىلىگىن باعالاۋ ءۇشىن ق م د ب قىزمەتكەرلەرىنەن قۇرالعان كوميسسيا مۇشەلەرى قوسىمشا تاپسىرمالار بەرىپ، مەشىت ەرەجەسى، كونسەپتۋالدى قۇجاتتار، باسقا دا اكىمشىلىك ساۋالدار ارقىلى بىلىكتىلىك دەڭگەيىن انىقتايتىن بولادى»، - دەپ حابارلادى الماتى ورتالىق مەشىتى.
ايتا كەتەيىك، الماتى قالاسىنىڭ ءدىن قىزمەتكەرلەرىنىڭ ءبىلىمىن ساراپتاۋعا ارنالعان رەسپۋبليكالىق اتتەستاتتاۋ ءۇش كۇنگە جالعاسادى.
