قىتايدا مەرەكە كۇندەرىندە تۋريستەر اعىنى ارتتى
بۇل تۋرالى ق ح ر مادەنيەت جانە تۋريزم مينيسترلىگىنىڭ حابارلاماسىندا ايتىلعان، دەپ حابارلايدى قازاقپارات ءتىلشىسى.
ۆەدومستۆونىڭ مالىمەتىنشە، ءبىرىنشى مامىردا قىتايدا 274 ميلليون ساپار جاسالدى، بۇل 2022 -جىلدىڭ سايكەس كەزەڭىمەن سالىستىرعاندا 70,8 پايىزعا كوپ. ساياحات كەزىندە تۋريستەر 148 ميلليارد يۋان (اعىمداعى باعام بويىنشا شامامەن 21 ميلليارد دوللار) جۇمسادى، بۇل وتكەن جىلمەن سالىستىرعاندا 128,9 پايىزعا ءوستى جانە 2019 -جىلعى كورسەتكىشپەن تەڭەستى.
ەڭ ءىرى مەگاپوليس شانحايعا مامىر ايىنىڭ ءبىرىنشى دەمالىسىندا 15,6 ميلليوننان استام ادام كەلدى. قالانىڭ تۋريزمنەن تۇسكەن كىرىسى بەس كۇن ىشىندە 18,9 ميلليارد يۋاندى (شامامەن 2,7 ميلليارد دوللار) قۇرادى. شانحايدىڭ باستى كورىكتى جەرلەرى 6,4 ميلليون تۋريستتى تارتتى. مەگاپوليستەگى قوناق ۇيلەردىڭ ورتاشا تولىمدىلىعى 70 پايىزدان استى.
مامىر ايىنداعى مەرەكەلەردە حاينان كۋرورتتىق ارالىنا تۋريستەر اعىنى 3,2 ميلليون ادامنان استى (%141,5+). بەس كۇن ىشىندە حايناننىڭ ىشكى تۋريزمنەن تۇسكەن كىرىسى 4,23 ميلليارد يۋاندى (612 ميلليون دوللار) قۇرادى.
