قازاقستاندا دۇنيەجۇزىلىك كوشپەندىلەر ويىندارىنا دايىندىق باستالدى
مەملەكەت باسشىسى ەلىمىز ءۇشىن ماڭىزى زور ءىس-شارانى وتە جوعارى دەڭگەيدە ۇيىمداستىرۋدى تاپسىردى. ايتا كەتۋ كەرەك، قازاقستاننىڭ ويىنداردى وتكىزۋگە ءوتىنىمىن تۇركى قاۋىمداستىعى ءبىراۋىزدان قولداعان بولاتىن.
دۇنيەجۇزىلىك كوشپەندىلەر ويىندارىنا الەمنىڭ تۇكپىر-تۇكپىرىنەن، ءتىپتى ءداستۇرلى تۇردە كوشپەلى سانالمايتىن ەلدەردەن كوماندالار قاتىسادى دەپ جوسپارلانىپ وتىر. جارىس قازاق كۇرەسى، كوكپار، قۇسبەگىلىك، اسىق اتۋ، اۋدارىسپاق، توعىزقۇمالاق سياقتى قازاقتىڭ ۇلتتىق سپورت تۇرلەرىنەن، سونداي-اق شەت ەلدەردە دامىعان، ءبىراق تامىرى ءبىرتۇتاس كوپتەگەن باسقا سپورت تۇرىنەن وتەدى.
سپورت جارىستارىنىڭ باستى ۇيىمداستىرۋشىسى – ق ر مادەنيەت جانە سپورت مينيسترلىگى. ق ر ۇلتتىق سپورت تۇرلەرى قاۋىمداستىعى ۇلكەن قولداۋ كورسەتەدى.
«V دۇنيەجۇزىلىك كوشپەندىلەر ويىندارى جاقسى ۇيىمداستىرىلىپ، جوعارى دەڭگەيدە ءوتۋى ءۇشىن دايىندىقتى بۇگىننەن باستاۋ كەرەك. ەلىمىزدە ۇلتتىق سپورت تۇرلەرىنە ەرەكشە كوڭىل بولىنەدى، مەملەكەت ۇلتتىق سپورتقا ۇنەمى قولداۋ كورسەتىپ وتىرادى. وسىعان بايلانىستى كوشپەندىلەر ويىندارى قازاقستاندىقتاردىڭ زور قىزىعۋشىلىعىن تۋدىراتىنى ءسوزسىز. سپورتتىق شەبەرلىكتى عانا ەمەس، سونىمەن قاتار قازاققا ءتان اشىقتىق پەن قوناقجايلىلىقتى كورسەتۋ، اتا-بابالارىمىزدىڭ باي مادەني مۇراسىمەن ءبولىسۋ مۇمكىندىگى دە زور ماڭىزعا يە»، — دەدى التاي كولگىنوۆ.
كەڭەس سوڭىندا ۆيتسە-پرەمەر مۇددەلى مينيسترلىكتەرگە الداعى ايلاردا ويىنداردى وتكىزۋ ديرەكتسياسىنىڭ ۇيىمداستىرۋشىلىق-قۇقىقتىق نىسانىن ايقىنداۋدى، ءىس-شارالار جوسپارىن جانە رەسپۋبليكالىق ۇيىمداستىرۋ كوميتەتىنىڭ قۇرامىن بەكىتۋگە ۇسىنۋدى تاپسىردى.
