بوكس: قىتاي قۇراماسىنداعى قانداسىمىز الەم چەمپيوناتىن جەڭىسپەن باستادى

استانا. قازاقپارات - بوكستان قىتاي قۇراماسى ساپىندا سىنعا ءتۇسىپ جۇرگەن قانداسىمىز توقتاربەك تاڭاتقان ۇلى تاشكەنتتە ءوتىپ جاتقان الەم چەمپيوناتىندا العاشقى جەكپە-جەگىندە جەڭىسكە جەتتى، دەپ حابارلايدى قازاقپارات ءتىلشىسى.

تاڭاتقان ۇلى قىتاي ۇلتتىق قۇراماسى ساپىندا 80 كەلى سالماقتا جۇدىرىقتاسىپ ءجۇر. ول تاشكەنتتە ارمەنيالىق حامباردزۋم اكوپيانمەن شارشى الاڭعا شىعىپ، تورەشىلەردىڭ ءبىراۋىزدان شەشىمىمەن جەڭىسكە جەتتى. وسىلايشا ول الەم بىرىنشىلىگىن ارى قاراي جالعاستىرۋعا مۇمكىندىك الدى.

ايتا كەتەيىك، توقتاربەك تاڭاتقان قىتايدىڭ شىڭجاڭ وڭىرىندە 1996-جىلى دۇنيەگە كەلگەن. ول - بۇگىنگى تاڭدا 80 كەلى سالماقتا اتالعان ەلدىڭ ەڭ مىقتى بوكسشىلارىنىڭ ءبىرى، قىتاي چەمپيونى. ق ح ر قۇراماسى ساپىندا توكيودا وتكەن 2020-جىلعى وليمپيادا ويىندارىنا قاتىسقان بولاتىن.

ەسكە سالا كەتەيىك، بۇدان بۇرىن بوكستان الەم چەمپيوناتىندا ساعىندىق توعامبايدىڭ قارسىلاسىن نوكاۋتپەن ۇتقانىن جازعان بولاتىنبىز.

سونداي-اق ءساناتالى تولتايەۆ كەلەسى كەزەڭگە جولداما الدى. 60 كەلىگە دەيىنگى سالماقتا ونەر كورسەتكەن قازاقستاندىق بوكسشى تالعات سىرىمبەتوۆ 1/16 فينالدا وتكەن جىلعى ازيا چەمپيونى، يوردانيالىق موحامەد ابۋ-دجادجەحتەن ۇتىلىپ قالدى.

اۆتور: كۇنسۇلتان وتارباي