وتكەن جىلعى مەكتەپ تۇلەكتەرى ۇ ب ت- عا قاتىسىپ، قايتادان گرانت كونكۋرسىندا باق سىناي الادى

استانا. قازاقپارات - وتكەن جىلعى مەكتەپ جانە كوللەدج تۇلەكتەرى بيىلعى نەگىزگى ۇ ب ت- عا قاتىسىپ، 1-كۋرسقا تۇسە الادى، دەپ حابارلايدى قازاقپارات.

ۇلتتىق تەستىلەۋ ورتالىعىنىڭ مالىمەتىنشە، ولار قازىرگى ۋاقىتتا ۋنيۆەرسيتەتتە اقىلى بولىمدە وقىپ جۇرگەن بولسا، ۇ ب ت- عا قاتىسۋ ءۇشىن مىندەتتى تۇردە ۋنيۆەرسيتەتتەن شىعۋدىڭ قاجەتى جوق.

جوعارى وقۋ ورنىندا وقىپ جاتىپ ۇ ب ت تاپسىرا بەرۋگە بولادى.

الايدا تەستىلەۋدەن ءتيىستى بال جيناپ، گرانت كونكۋرسىنا ءوتىنىش بەرەتىن كەزدە ستۋدەنت رەتىندە ەشقانداي ۋنيۆەرسيتەتتە تىركەلمەگەن بولۋى كەرەك.

قايتالاپ وتەيىك، ۇ ب ت تاپسىرۋ كەزىندە ۋنيۆەرسيتەتتە وقي بەرۋگە بولادى، ال گرانت كونكۋرسىنا قاتىساتىن كەزدە - بولمايدى.

سونداي-اق، ەستەرىڭىزگە سالا كەتەيىك، باسقا ۇ ب ت- عا اۋىسۋعا نيەتتى شىعارماشىلىق ماماندىق ستۋدەنتتەرى مەن اقىلى نەگىزدە «پەداگوگيكالىق عىلىمدار» ءبىلىم سالاسىنا اۋىسۋعا نيەتتى بىلىمگەرلەر تەك قاڭتار جانە تامىز ايلارىنداعى ۇ ب ت- عا قاتىسا الادى.