قىتايلىق كورپوراتسيانىڭ ءتوراعاسى مەن الماتى اكىمى ەكى ەل اراسىنداعى ساۋدا پلاتفورماسىن تالقىلادى
الماتى اكىمى «قىتايدىڭ سينسين كورپوراتسياسى» ديرەكتورلار كەڭەسىنىڭ توراعاسىمەن كەزدەستى، دەپ حابارلايدى Almaty.tv.
الماتى اكىمى ەربولات دوسايەۆتىڭ «قىتايدىڭ سينسين كورپوراتسياسى» كومپانياسى ديرەكتورلار كەڭەسىنىڭ ءتوراعاسى جاڭ جيانمەن كەزدەسۋىندە سيفرلاندىرۋ، ەسكى تۇرعىن ۇيلەردى رەنوۆاتسيا باعدارلاماسى بويىنشا عيماراتتار سالۋ، ەلەكتروندىق كوممەرتسيا نارىعىن دامىتۋ سالاسىنداعى ەكىجاقتى ىنتىماقتاستىق ماسەلەلەرى قارالدى.
كەزدەسۋ بارىسىندا SMART City جوبالارىن ىسكە اسىرۋداعى قىتاي قالالارىنىڭ ۇلكەن تاجىريبەسى اتاپ ءوتىلدى: Global Innovation Index-2021 رەيتينگىنە سايكەس قىتاي الەمدەگى ەڭ يننوۆاتسيالىق دامىعان ەلدەردىڭ اراسىندا 12-ورىندا (قازاقستان - 129 ەلدىڭ 79 ى). تاراپتار احۋالدىق ورتالىق قۇرۋدا، ت ك ش جۇيەلەرىن اۆتوماتتاندىرۋدا، «اقىلدى قالا» جوباسى اياسىندا قوعامدىق قاۋىپسىزدىك، دەنساۋلىق ساقتاۋ، ءبىلىم بەرۋ جانە كولىك سالاسىندا سيفرلىق شەشىمدەردى ەنگىزۋدە ءوزارا ءىس-قيمىل مۇمكىندىگىن تالقىلادى.
جەرگىلىكتى وندىرۋشىلەر ءۇشىن وتكىزۋ نارىقتارىن كەڭەيتۋگە جانە ەكى ەل اراسىنداعى ەكونوميكالىق پروتسەستەردى جەدەلدەتۋگە مۇمكىندىك بەرەتىن ەلەكتروندىق ساۋدا پلاتفورماسىن ازىرلەۋمەن بىرلەسكەن كاسىپورىن قۇرۋ ماسەلەسى قارالدى.
ايتا كەتەرلىگى، 2021 -جىلى Alibaba.com ماركەتپلەيستە «Gold Supplier» يەلەرى رەتىندە الماتىنىڭ 12 كومپانياسى اتانسا، ال 2022 -جىلى - 56 كومپانياعا جەتتى. جاڭا تەحنولوگيالار سالاسىنداعى جۇمىستى جانداندىرۋ ءۇشىن ي ت بيزنەسكە ءوزارا جان-جاقتى قولداۋ كورسەتۋ تۋرالى ۋاعدالاستىققا قولجەتكىزىلدى.
قالا باسشىسى شەتەلدىك ينۆەستورلاردى الماتى يندۋستريالدى ايماعى مەن «يننوۆاتسيالىق تەحنولوگيالار پاركى» ا ە ا اۋماعىندا بىرلەسكەن جوبالاردى قۇرۋعا بەلسەندى قاتىسۋعا شاقىردى، وندا قازىرگى ۋاقىتتا قىتاي تاراپىمەن بىرلەسىپ ۇلكەن ديامەترلى بولات دانەكەرلەنگەن سپيرالەشوۆ قۇبىرلارىن شىعاراتىن زاۋىت سالۋ («Asia Steel Pipe Corporation» ج ش س) سياقتى جوبالار تابىستى ىسكە اسىرىلۋدا، جىلۋ رادياتورلارىن ءوندىرۋ بويىنشا («Valtherm» ج ش س)، ەلەكترونيكا جانە اسپاپ جاساۋ سالاسىندا («Bona Electric» ج ش س) جانە ت. ب.
«قىتايدىڭ سينسين كورپوراتسياسى» كومپانياسىنىڭ ديرەكتورلار كەڭەسىنىڭ ءتوراعاسى جاڭ جيان قالا باسشىسىنا جىلى قابىلداعانى ءۇشىن العىسىن ءبىلدىرىپ، الماتىنىڭ بىرلەسكەن ءوزارا ءتيىمدى جوبالاردى ىسكە اسىرۋ ءۇشىن ۇلكەن الەۋەتى عانا ەمەس، سونىمەن قاتار گەوگرافيالىق ورنالاسۋى مەن قولايلى تابيعي-كليماتتىق جاعدايلارىنىڭ وتە تيىمدىگى ەكەندىگىن، سونىڭ ارقاسىندا كوپتەگەن ينۆەستورلاردى تارتا الاتىنىن اتاپ ءوتتى.
بۇگىندە الماتى قالاسىندا قىتاي كاپيتالىنىڭ قاتىسۋىمەن 1064 كاسىپورىن جۇمىس ىستەيدى، ونىڭ ىشىندە 326 بىرلەسكەن، 738 شەتەلدىك (قازاقستاندا - 1869). 2022 -جىلدىڭ قورىتىندىسى بويىنشا ەكى ەل اراسىنداعى ەكىجاقتى تاۋار اينالىمى %40 عا ءوسىپ، 6,8 ميلليون ا ق ش دوللارىن قۇرادى.
