ەلەڭ ەتكىزەتىن جاڭالىق. اباي وبلىسىندا ساق داۋىرىندەگى التىن جادىگەرلەر تابىلدى
ارحەولوگتار 3 مىڭعا جۋىق التىننان جاسالعان جادىگەردى سەمەيدەگى ولكەتانۋ مۋزەيىنە تابىستادى. بىلتىر عالىمدار اباي وبلىسىنداعى بوزاي قورعاندارىندا قازبا جۇرگىزگەن. ناتيجەسىندە ساق قورعاندارىنىڭ بىرىنەن التىن ادام كيىمىنىڭ فراگمەنتتەرى انىقتالعان. وكىنىشكە قاراي، قورىم بۇرىن تونالعان. ونداعى قىمبات مەتالدان جاسالعان ءىرى-ءىرى بۇيىمدار قولدى بولعان. عالىمداردىڭ قولىنا سودان قالعان ۇساق التىن مونشاقتار، اڭ بەينەسىندەگى جانە وزگە دە اشەكەيلەر تۇسكەن. ودان بولەك، ارحەولوگتار بۇعان دەيىن بەلگىسىز بولىپ كەلگەن 100 گە تارتا تۇركى، ەرتە تەمىر داۋىرىندەگى ەسكەرتكىشتەردى انىقتاعان. ەندى ول جەرلەرگە دە جاڭا ەكسپەديتسيا ۇيىمداستىرىلماق.
«ەلەڭ ەتكىزەتىن جاڭالىق دەپ ايتۋعا بولادى. مۇندا سوناۋ ساق ءداۋىرىنىڭ اقسۇيەكتەرىنىڭ ءبىرى جاتقانى انىقتالدى. التىن زات كوپتەپ ۇشىراستى. وتە ءبىر ىجداھاتتىلىقپەن جاسالىنعان. زەرگەرلىكتىڭ ءبىر كەرەمەت تۋىندىلارى»، - دەدى ارحەولوگ-عالىم عاني وماروۆ
