تۇركيا كومپانياسى قازاقستاندا التىن كەن ورىندارىن ىزدەۋمەن اينالىسادى

استانا. قازاقپارات - قازاقستان مەن تۇركيانىڭ تاۋ- كەن كومپانيالارى گەولوگيالىق بارلاۋ باعىتىندا بىرلەسكەن جوبانى قولعا الدى. بۇل تۋرالى قازاقپارات ق ر يندۋستريا جانە ينفراقۇرىلىمدىق دامۋ مينيسترلىگىنە سىلتەمە جاساپ حابارلايدى.

جوبا ماقساتى - پايدالى قازبالاردىڭ پەرسپەكتيۆالى ورىندارىن انىقتاۋ.

ق ر يندۋستريا جانە ينفراقۇرىلىمدىق دامۋ مينيسترلىگىنىڭ قولداۋىمەن «تاۋ- كەن سامۇرىق» ۇلتتىق تاۋ- كەن كومپانياسى» ا ق باسقارما ءتوراعاسى باقىت شىرشىكبايەۆ پەن D Mineral ديرەكتورلار كەڭەسى ءتوراعاسىنىڭ ورىنباسارى يلحان پويراز بىرلەسكەن قۇجاتقا قول قويدى.

گەولوگيالىق بارلاۋ جۇمىستارى ءساتتى جۇزەگە اسىرىلعاننان كەيىن مۇددەلى تاراپتار بىرلەسكەن كاسىپورىن قۇرۋدى جوسپارلاپ وتىر.

«نەگىزگى كەلىسىمگە قول قويىلعاننان كەيىن ەكى جاق گەولوگيالىق بارلاۋعا ليتسەنزيا الىپ، بىرلەسكەن كاسىپورىندى قۇرۋ جونىندەگى جوسپاردى جۇزەگە اسىرۋعا كىرىسپەك. وسى رەتتە بىرلەسىپ قولعا الىنعان جوبا التىن كەن ورىندارىن ىزدەستىرۋگە باعىتتالاتىنىن ايتا كەتەيىك. گەولوگيالىق بارلاۋ جۇمىستارىنا قاراجات ءبولۋدى تۇركيالىق تاراپ ءوز جاۋاپكەرشىلىگىنە العانى بەلگىلى بولدى»، - دەلىنگەن ي ي د م باسپا ءسوز قىزمەتىنىڭ مالىمەتىندە.

ايتا كەتەيىك، D Mineral كومپانياسى Dimin Group (تۇركيا) حولدينگىنىڭ قۇرامىنا كىرەدى. نەگىزگى قىزمەت باعىتى - تەمىر كەنى مەن مىس ءوندىرۋ.