جانار- جاعارمايدىڭ شەكتى بولشەك باعاسى تۋرالى بۇيرىق كۇشىنە ەنەدى
قۇجاتقا سايكەس شەكتى باعالار:
- اي-92 جانە اي-93 ماركالى بەنزين ليترىنە 205 تەڭگەگە دەيىن؛
- ديزەل وتىنى ليترىنە 295 تەڭگەگە دەيىن قۇرايدى.
وتىننىڭ كەيبىر تۇرلەرىنە جاڭا بولشەك ساۋدا باعالارىن بەلگىلەۋ ءماجبۇرلى شارا بولىپ تابىلادى جانە ونىڭ كورشى ەلدەرمەن قۇنىنىڭ ديسپاريتەتىن تومەندەتۋ قاجەتتىلىگىمەن بايلانىستى. بۇل ەلدەن مۇناي ونىمدەرىنىڭ شىعۋىن ازايتۋعا جانە ىشكى نارىقتىڭ ءوسىپ كەلە جاتقان قاجەتتىلىكتەرىن قامتاماسىز ەتۋگە مۇمكىندىك بەرەدى.
ايتا كەتۋ كەرەك، قازاقستاندا جانار-جاعارماي باعاسى 2021 -جىلدىڭ كۇزىنەن بەرى وزگەرگەن جوق.
سونىمەن قاتار كوكتەمگى ەگىس جۇمىستارى اياقتالعانعا دەيىن فەرمەرلەر ءۇشىن ديزەل وتىنىنىڭ قۇنى وزگەرمەيدى. وپەراتورلاردىڭ شىعىستارىن ەسكەرە وتىرىپ، اگرارشىلار ءۇشىن رەسپۋبليكا بويىنشا ورتاشا باعا ليترىنە 204 تەڭگەنى قۇرايدى، بۇل نارىقتىق باعادان %31 عا تومەن.
وڭىرلەرگە كوكتەمگى ەگىس جۇمىستارىنا 419 مىڭ توننا ارزانداتىلعان ديزەل وتىنى ءبولىندى، بۇل وتكەن جىلمەن سالىستىرعاندا 19 مىڭ تونناعا ارتىق. كوكتەمگى دالا جۇمىستارىنا بەكىتىلگەن كولەم باسىم تارتىپپەن تيەپ- جونەلتىلەتىن بولادى. اقپان ايىندا 81,1 مىڭ توننانىڭ 77,1 ى نەمەسە %95 ى، ناۋرىزدا - 102,2 مىڭ توننانىڭ 94,2 سى نەمەسە %92,2 ى تيەپ- جونەلتىلدى.
بۇل رەتتە ديزەل وتىنىنىڭ بۇرىن بەلگىلەنگەن سارالانعان باعاسى وزگەرىسسىز قالادى.
اتاپ ايتقاندا، قازاقستان ازاماتتارى جۇرگىزۋشى كۋالىگىن كورسەتكەن كەزدە ليترىنە 295 تەڭگە باعاسىمەن تاۋلىگىنە 100 ليتر ساتىپ الا الادى. جۇك، ارنايى، مامانداندىرىلعان اۆتوموبيلدەر مەن اۆتوبۋستار ءۇشىن، سونداي- اق قازاقستان رەسپۋبليكاسىندا كولىك قۇرالىن تىركەۋ تۋرالى كۋالىك ۇسىنىلعان كەزدە تاۋلىگىنە بەكىتىلگەن ليميت ۇقساس باعا بويىنشا 300 ليتردى قۇرايدى.
«قالعان ساناتتاعى ادامدار ءۇشىن، سونداي-اق جوعارىدا اتالعان ليميتتەردى ديزەل وتىنىن ساتىپ الاتىندار ءۇشىن باعا ليترىنە 450 تەڭگەنى قۇرايدى»، - دەلىنگەن حابارلامادا.
