جيگۋلي دايرابايەۆ: بالالارىم كىنالى ەمەس، ولار ادىلدىك ءۇشىن كۇرەسەدى
«بالالارىما قاتىستى ماسەلە بويىنشا دەپۋتات ارىپتەس رەتىندە قولداۋ كورسەتىپ جاتىرسىزدار. بالالارىمدى كىنالى دەپ ەسەپتەمەيمىن، ولار ادىلدىك ءۇشىن كۇرەسەدى. اپەللياتسيالىق سوتقا جۇگىنىپ، ابىرويىن قورعاۋعا مۇددەلى. ەندەشە، مەن ماجىلىستەن نە ءۇشىن كەتۋىم كەرەك؟ اۋىل تۇرعىندارى، شارۋالار، ءوزىمدى سايلاعان «اۋىل» پارتياسى ماعان ۇلكەن ءۇمىت ارتىپ وتىر. كوپتەگەن وتكىر ماسەلەلەردى قولعا الىپ، جۇمىس ىستەۋىم كەرەك»، - دەدى ج. دايرابايەۆ ءماجىلىستىڭ جالپى وتىرىسىندا دەپۋتاتتىق ساۋالىن جاريالاۋ الدىندا.
بۇدان بۇرىن حابارلانعانداي، تاراز قالاسىنىڭ سوتى الاياقتىق جاسادى جانە ءىرى مولشەردە اقشا جىمقىردى دەپ ايىپتاپ، ۇكىم شىعارعان ەكى كۇدىكتىنىڭ ءماجىلىس دەپۋتاتى جيگۋلي دايرابايەۆتىڭ ۇلدارى ەكەنى بەلگىلى بولدى.
كەيىن ماجىلىستەگى «اۋىل» پارتياسى فراكسياسى دەپۋتاتى جيگۋلي دايرابايەۆ مانداتىن تاپسىرمايتىنىن مالىمدەدى.
