بيىل الەم ەكونوميكاسىنىڭ ءوسىمى تومەندەيدى - حالىقارالىق ۆاليۋتا قورى

استانا. قازاقپارات - نەگاتيۆتى فاكتورلاردىڭ كوپتەگەن جيىنتىعى بيىل الەم ەكونوميكاسىنىڭ ءوسىم قارقىنى كۇتىلگەن دەڭگەيدەن تومەن بولۋىنا الىپ كەلەدى.

ساقتالىپ وتىرعان جوعارى ينفلياتسيا، پايىزدىق ستاۆكالاردىڭ ارتۋى جانە ەكىۇشتىلىق حالىقارالىق ۆاليۋتا قورىن (ح ۆ ق) بيىلعا ەكونوميكالىق ءوسىم بولجامىن تومەندەتۋگە ءماجبۇر ەتتى. دەگەنمەن، ۇيىم ساراپشىلارى وپتيميستىك پىكىر بىلدىرۋدە. قازاقپارات بۇل تۋرالى Euronews-كە سىلتەمە جاساپ حابارلايدى.

«جاھاندىق ەكونوميكا پاندەميا جانە ۋكرايناداعى جاعدايدان كەيىن بىرتىندەپ قالپىنا كەلۋ جولىندا قالىپ وتىر. قايتا اشىلعان قىتاي ەكونوميكاسىنىڭ قالپىنا كەلۋى قارقىندى. جەتكىزۋ تىزبەگىندەگى بۇزۋشىلىقتار ازايىپ، ەنەرگەتيكا جانە ازىق- تۇلىك نارىقتارىنداعى كۇيزەلىستەر كەرى شەگىنۋدە»، - دەدى ح ۆ ق- نىڭ باس ەكونوميسى پەر- وليۆە گۋرينشا.

ح ۆ ق- نىڭ سەيسەنبى كۇنى جاريالانعان بايانداماسىندا ءمالىم ەتىلگەندەي، بيىل الەمدىك ج ءى ءو ءوسىمى - % 2,8، 2024 –جىلى % 3 قۇرايدى. بۇل قاڭتار ايىنداعى بولجامنان % 0,1 تومەن.

سونداي-اق ساراپشىلار الداعى ءۇش جىلدا مۇناي باعاسى تومەندەيتىنىن بولجاپ وتىر - بيىل 73 دوللارعا دەيىن، 2026 -جىلى 65 دوللارعا دەيىن.