ەلىمىزدە تاعى ەكى پارتيا پايدا بولۋى مۇمكىن

استانا. قازاقپارات - ەلىمىزدە جاڭا ەكى پارتيا پايدا بولۋى مۇمكىن، دەپ حابارلايدى قازاقپارات ءتىلشىسى ادىلەت مينيسترلىگىنىڭ باسپا ءسوز قىزمەتىنە سىلتەمە جاساپ.

«ادىلەت مينيسترلىگىنىڭ قاراۋىندا ەكى ساياسي پارتيا بار - «ەل تاعدىرى» جانە «قازاقستان حالىق كونگرەسى». ساياسي پارتيالاردى تىركەۋ ءتارتىبى «ساياسي پارتيالار تۋرالى» زاڭدا كوزدەلگەن.

«ساياسي پارتيالار تۋرالى» زاڭنىڭ 12-بابىنا سايكەس مەملەكەتتىك ورگاندارعا ۇسىنىلعان تىزىمدەردىڭ دۇرىستىعىن تەكسەرۋ فۋنكتسياسى جۇكتەلگەن»، - دەپ حابارلادى ادىلەت مينيسترلىگىنىڭ باسپا ءسوز قىزمەتى.

سونداي-اق، ۆەدومستۆودان قۇرىلتاي قۇجاتتارى مەن ساياسي پارتيا مۇشەلەرى تىزىمدەرىنىڭ «ساياسي پارتيالار تۋرالى» زاڭنىڭ 8-10- بابىنىڭ 6-تارماعى تالاپتارىنا سايكەستىگىنە تەكسەرۋ جۇرگىزىلىپ جاتقانى حابارلاندى.

ايتا كەتسەك، بۇگىندە ەلىمىزدە «AMANAT» پارتياسى، قازاقستان حالىق پارتياسى، «Respublica» پارتياسى، «بايتاق» جاسىلدار پارتياسى، «اق جول» دەموكراتيالىق پارتياسى، جالپىۇلتتىق سوتسيال-دەموكراتيالىق پارتيا جانە «اۋىل» حالىقتىق-دەموكراتيالىق پارتياسى تىركەلگەن.