دارىگەردىڭ قابىلداۋىن ايلاپ- اپتالاپ كۇتۋگە تۋرا كەلگەندە نە ىستەۋ كەرەك

استانا. قازاقپارات - الەۋمەتتىك مەديتسينالىق ساقتاندىرۋ قورىنا شاعىمدانعانداردىڭ 27,7 پايىزى دارىگەردىڭ قابىلداۋىن ۇزاق كۇتۋگە ءماجبۇر بولعانىن ايتادى، دەپ حابارلايدى قازاقپارات قوردىڭ باسپا ءسوز قىزمەتىنە سىلتەمە جاساپ.

2023 -جىلدىڭ 1-توقسانىندا CRM جۇيەگە استانا قالاسى بويىنشا 1424 ءوتىنىش ءتۇستى، ولاردىڭ ءىشىندى 971 ى - شاعىمدار.

شاعىمداردىڭ %27,7 استامى - كونسۋلتاتسيالىق- دياگنوستيكالىق قىزمەتتەردى (بەيىندى سالالىق مامانداردى، دياگنوستيكالىق قىزمەتتەردى) ۇزاق كۇتۋ بويىنشا.

كەلىپ تۇسكەن ارىز- شاعىمداردى سارالاي كەلە، ەلوردادا مامان جەتكىلىكسىزدىگىنەن بەيىندى سالالىق دارىگەرلەردى ۇزاق كۇتەتىنى بەلگىلى بولدى.

بۇل جەردە ايتا كەتەتىن جايت، العاشقى مەديتسينالىق- سانيتارلىق كومەك كورسەتەتىن جاڭادان قوسىلعان قىزمەت جەتكىزۋشىلەردىڭ وزدەرىنىڭ ماماندارى جوق، سوندىقتان «بەيىندى سالالىق» دارىگەر قابىلداۋىن بىرنەشە اپتا كۇتۋگە تۋرا كەلەدى.

سارالاعان تالداۋ كورسەتكەندەي، شاعىمداردىڭ %27,7 دان استامى «دارىگەردىڭ قابىلداۋىن ۇزاق كۇتۋگە» قاتىستى.

ءوتىنىش تۇسكەننەن كەيىن الەۋمەتتىك مەديتسينالىق ساقتاندىرۋ قورى فيليالىنىڭ ماماندارى مەديتسينالىق ۇيىمعا حابارلاسىپ، مەديتسينالىق قىزمەتتىڭ قولجەتىمدىلىگىن تەكسەرەدى، ەگەر پاتسەنتتەر قانداي دا ءبىر سەبەپتەرمەن ونى الماسا، ۇزاق كۇتۋدىڭ سەبەبىن انىقتايدى.

بارلىق وتىنىشتەر تىركەۋ ءنومىرىن بەرۋ ارقىلى تىزىلىمگە ەنگىزىلەدى، سونىڭ ارقاسىندا ءوتىنىشتىڭ قارالۋ بارىسى باقىلاۋدا بولادى.

كەز كەلگەن كونسۋلتاتسيالىق- دياگنوستيكالىق قىزمەتتى پاتسەنتكە ەمدەۋشى دارىگەر تاعايىندايدى. ول ناۋقاستىڭ جاعدايىن، شاعىمدارىن، اۋرۋدىڭ بەلگىلەرىن زەردەلەيدى.

ءتيىستى كورسەتىلىمدەر بولسا دارىگەر ك ت، م ر ت نەمەسە باسقا دا زەرتتەۋ جۇرگىزۋگە جولداما جازادى. بۇل قىزمەتتەردى م ءا م س جۇيەسىندە الۋ ءۇشىن پاتسەنت «ساقتاندىرىلعان» مارتەبەسىنە يە بولۋى ءتيىس.

ت م ك ك ك شەڭبەرىندە جانە م ءا م س جۇيەسىندە قىزمەت كورسەتەتىن مەديتسينالىق ۇيىم الەۋمەتتىك مەديتسينالىق ساقتاندىرۋ قورىمەن ءتيىستى شارت جاساسادى جانە شارت بويىنشا پاتسەنتتەرگە وسى قىزمەتتەردى ۇسىنۋ مىندەتتەمەلەرىن ورىنداۋعا ءتيىس.

«قور تۇرعىندارمەن كەرى بايلانىس ورناتىپ، تۇراقتى تۇردە جۇمىس جۇرگىزەدى. 2023 -جىلدىڭ 1-توقسانىندا CRM جۇيەگە استانا قالاسى بويىنشا 1424 ءوتىنىش ءتۇستى، ولاردىڭ ىشىندە 971 ى شاعىمدار. شاعىمداردىڭ %27,7 استامى - كونسۋلتاتسيالىق-دياگنوستيكالىق قىزمەتتەردى (بەيىندى سالالىق مامانداردى، دياگنوستيكالىق قىزمەتتەردى) ۇزاق كۇتۋ بويىنشا: مىسالى، بەيىندى ماماندارعا، دياگنوستيكالىق قىزمەتتەرگە جەتە الماۋ نەمەسە ولاردى ۇزاق كۇتۋ، سول سەكىلدى ۋچاسكەلىك قىزمەتتەردى (جالپى پراكتيكا دارىگەرى، تەراپەۆت- دارىگەر، پەدياتر- دارىگەر)، جەدەل مەديتسينالىق كومەك بريگاداسىن ۇزاق كۇتۋ، ت. ب. ازاماتتاردان «ەمحانا كورسەتىلىمدەر بولسا دا، وتكىزۋ مۇمكىندىگىنىڭ جوقتىعىنا سىلتەمە جاساي وتىرىپ، كونسۋلتاتسيالىق- دياگنوستيكالىق قىزمەتكە جىبەرۋدەن باس تارتادى» دەگەن وتىنىشتەردى ءجيى الامىز. مۇنداي جاعدايدا، قىزمەت جەتكىزۋشى قور بازاسىندا تۇراتىن مەديتسينالىق ۇيىمدار قاتارىنان بىرلەسىپ ورىنداۋشىنى تارتۋعا مىندەتتى. ەگەر بىرلەسىپ ورىنداۋ شارتى ەشكىممەن جاسالماسا، وندا پاتسەنتتى وسى قىزمەت ءتۇرى بويىنشا قورمەن كەلىسىمشارتقا وتىرعان مەديتسينا ۇيىمدارىنىڭ بىرىنە جىبەرۋگە ءتيىس، جولداما بويىنشا كورسەتىلگەن قىزمەت قورىتىندىلارى نەگىزىندە شارت اۆتوماتتى تۇردە جاسالادى»، - دەپ ءتۇسىندىردى الەۋمەتتىك مەديتسينالىق ساقتاندىرۋ قورىنىڭ ەلوردا فيليالىنىڭ اقپاراتتاندىرۋ ءبولىمىنىڭ باس ساراپشىسى ج. ۇمبەتوۆا.

الايدا، پاتسەنت ءوز ەمحاناسىنا بارماي، باسقا مەديتسينالىق ورتالىقتارعا تىكەلەي بارىپ، كونسۋلتاتسيالىق-دياگنوستيكالىق قىزمەتتى اقىلى الاتىن جاعدايلار دا كەزدەسەدى.

«كەيدە ءبىز الەۋمەتتىك جەلىلەردەن پاتسەنتكە جولداما بەرىلمەگەنى جانە ولار اقىلى تۇردە قىزمەت (مىسالى، ك ت) العانى تۋرالى شاعىمداردى كورەمىز. مۇنداي جاعدايلاردا پاتسەنتتىڭ قۇقىعىن قورعاۋشى رەتىندە قور ىسكە قوسىلادى. ءبىراق، كەيدە، تەكسەرۋ ناتيجەسىندە پاتسەنت ءتىپتى ءوز ەمحاناسىنا جۇگىنبەگەن، ءبىراق دەرەۋ باسقا جەردە اقىلى تەكسەرۋدەن وتۋگە شەشىم قابىلداعانى انىقتالىپ جاتادى. سوندىقتان، ازاماتتاردى تمككك شەڭبەرىندە جانە م ءا م س جۇيەسىندە مەديتسينالىق قىزمەتتەردى پايدالانۋعا شاقىرامىز. ەگەر پروبلەمالار تۋىنداسا، الدىمەن ەمحانانىڭ پاتسەنتتى قولداۋ قىزمەتىنە حابارلاسىپ، ءوز قۇقىقتارىڭىزدى قورعاڭىزدار»، - دەپ اتاپ ءوتتى ج. ۇمبەتوۆا.

وسى جىلى مەديتسينالىق ساقتاندىرۋ قورى استانا قالاسى بويىنشا 170 مەديتسينا مەكەمەسىمەن جالپى سوماسى 242,7 ميلليارد تەڭگەگە مەديتسينالىق قىزمەت كورسەتۋ ءۇشىن كەلىسىمشارت جاساعان.

ونىڭ 121,8 ميلليارد تەڭگەسى - م ءا م س جۇيەسىندە، 120,9 ميلليارد تەڭگەسى - تمككك اياسىندا كورسەتىلەتىن قىزمەتتەرگە تيەسىلى.

ەگەر سىزدە كونسۋلتاتسيالىق- دياگنوستيكالىق قىزمەتتەردى الۋعا قاتىستى سۇراقتار تۋىنداسا نەمەسە ولاردىڭ كورسەتىلۋىنە قول جەتكىزە الماساڭىز، وندا الدىمەن ءوز ەمحاناڭىزدىڭ پاتسەنتتى قولداۋ قىزمەتىنە حابارلاسۋىڭىز قاجەت.

قازىرگى ۋاقىتتا پاتسەنتتەردى قولداۋ قىزمەتى مەن پاتسەنتتەر اراسىندا بايلانىس ناشار دەۋگە بولادى. حالىقتىڭ كوپشىلىگى مەديتسينالىق ۇيىمدا پاتسەنتتەردى قولداۋ قىزمەتى بار ەكەنىن دە بىلمەيدى.

سۇراقتار تۋىنداعان جاعدايدا، ولار پاتسەنت ۋاقىت جوعالتپاۋى ءۇشىن سول جەردە، ياعني ەمحانادا اقپارات بەرىپ، ءتۇسىندىرۋدىڭ ورنىنا، پاتسەنتتەردى ءامسق كەڭسەسىنە جىبەرەدى نەمەسە 1406 بايلانىس ورتالىعىنا حابارلاسۋعا كەڭەس بەرەدى.

ەگەر كونسۋلتاتسيالىق- دياگنوستيكالىق قىزمەتتەردى نەمەسە باسقا دا قىزمەتتەردى ۇزاق كۇتىپ، كومەك الۋ مۇمكىندىگى بولماعان جاعدايدا دەنساۋلىق ساقتاۋ باسقارماسىنان جاعدايدى ناقتىلاي الاسىز.

ەگەر ماسەلەنى سول جەردە شەشۋ مۇمكىن بولماسا، وندا الەۋمەتتىك مەديتسينالىق ساقتاندىرۋ قورىنا وزىڭىزگە ىڭعايلى تاسىلمەن، fms.kz رەسمي سايتى، 1406 بايلانىس ورتالىعى، Qoldau 24/7 موبيلدى قوسىمشاسى جانە Telegram-داعى SaqtandyryBot ارنالارى ارقىلى ءوتىنىش جولداۋعا بولادى.