ون ايماقتا اۋا رايىنا بايلانىستى ەسكەرتۋ جاريالاندى

استانا. قازاقپارات - قازگيدرومەت ماماندارى كۇننىڭ بۇزىلۋىنا بايلانىستى ءبىرقاتار وڭىردە ەسكەرتۋ جاريالادى، دەپ حابارلايدى قازاقپارات.

10-ءساۋىر كۇندىز، 11-ساۋىردە تاۋلىك بويى جامبىل وبلىسىنىڭ وڭتۇستىگىندە، تاۋلى اۋداندارىندا قاتتى جاڭبىر جاۋادى. 10-11-ساۋىردە وڭتۇستىك- باتىستان جەل سوعادى، وبلىستىڭ وڭتۇستىك- باتىسىندا، سولتۇستىك- شىعىسىندا، تاۋلى اۋداندارىندا جەل ەكپىنى - 23-28 م/س، 10-ءساۋىر كۇندىز، 11-ءساۋىر تۇندە وبلىستىڭ وڭتۇستىك- باتىسىندا كەي ۋاقىتتا جەل قارقىنى 30 م/س اسادى.

تۇندە جانە تاڭەرتەڭ اتىراۋ وبلىسىنىڭ سولتۇستىگىندە جانە وڭتۇستىگىندە تۇمان تۇسەدى.

تۇندە جانە تاڭەرتەڭ اقمولا وبلىسىنىڭ سولتۇستىگىندە، شىعىسىندا تۇمان ءتۇسىپ، كوكتايعاق بولادى. وڭتۇستىك- باتىستان جانە باتىستان جەل سوعادى، وبلىستىڭ سولتۇستىگىندە، شىعىسىندا جەلدىڭ كۇشى 15-20 م/س جەتەدى.

10-ساۋىردە باتىس قازاقستان وبلىسىنىڭ وڭتۇستىك- باتىسىندا، باتىسىندا تۇمان تۇسەدى. تۇندە وبلىستىڭ سولتۇستىك- باتىسىندا، سولتۇستىگىندە توپىراق بەتىندە 3 گرادۋس ۇسىك جۇرەدى.

تۇندە ماڭعىستاۋ وبلىسىنىڭوڭتۇستىك- شىعىسىندا نايزاعاي جارقىلدايدى. وبلىستىڭ سولتۇستىك- باتىسىندا تۇمان بولادى.

قىزىلوردا وبلىسىنىڭ ورتالىعىندا، وڭتۇستىگىندە كۇن كۇركىرەيدى. سولتۇستىك- باتىستان، سولتۇستىكتەن جەل سوعادى، كۇندىز وبلىستىڭ وڭتۇستىگىندە جەل ەكپىنى - 15-20 م/س.

جەتىسۋ وبلىسىنىڭ سولتۇستىگىندە، شىعىسىندا سولتۇستىك- شىعىستان جەل سوعادى، ەكپىنى - 15-20، كەي ۋاقىتتا 23-28 م/س. تۇندە وبلىستىڭ ورتالىعىندا، تاۋلى اۋداندارىندا 3 گرادۋس ۇسىك ساقتالادى.

10-ءساۋىر تاڭەرتەڭ جانە كۇندىز تۇركىستان وبلىسىنىڭ وڭتۇستىگىندە، تاۋلى اۋداندارىندا قاتتى جاڭبىر جاۋادى. وبلىستىڭ باسىم بولىگىندە كەي ۋاقىتتا نايزاعاي ويناپ، تاۋلى اۋدانداردا بۇرشاق جاۋادى. وڭتۇستىك- باتىستان جەل سوعادى، تۇندە وبلىستىڭ وڭتۇستىگىندە، باتىسىندا، تاۋلى اۋداندارىندا، كۇندىز وبلىستىڭ باسىم بولىگىندە جەل قارقىنى - 15-20، كۇندىز كەي ۋاقىتتا - 23-28 م/س.

شىمكەنت قالاسىنداتاڭەرتەڭ جانە كۇندىز قاتتى جاڭبىر جاۋادى. كەي ۋاقىتتا كۇن كۇركىرەيدى، بۇرشاق جاۋادى. وڭتۇستىك- باتىستان جەل سوعادى، جەلدىڭ كۇشى - 15-20، 10-ءساۋىر كۇندىز كەي ۋاقىتتا 23 م/س اسادى.

10-ءساۋىر تۇندە سولتۇستىك قازاقستان وبلىسىنىڭ وڭتۇستىك- باتىسىندا تۇمان تۇسەدى. وڭتۇستىك- باتىستان جانە باتىستان جەل سوعادى، كۇندىز وبلىستىڭ باسىم بولىگىندە جەل قارقىنى - 15-20، ەكپىنى - 23 م/س. اۋا تەمپەراتۋراسى كۇندىز 9-14 گرادۋس جىلى.