يزرايل پوليتسياسى تاعى دا ءال- اقساعا شابۋىل جاسادى
مەشىت ىستەرى جونىندەگى ءدىني باسقارما وكىلدەرىنىڭ مالىمدەۋىنشە، كونفرونتاسيا كەزىندە كۇشتىك قۇرىلىم قىزمەتكەرلەرى جارىق- شۋ گراناتتارىن پايدالانىپ، رەزەڭكە وق اتقان. پالەستينالىق قىزىل اي كەم دەگەندە التى ادام زارداپ شەككەنىن ايتتى.
تەكەتىرەس مۇسىلمانداردىڭ قاسيەتتى ايى - رامازان مەن ەۆرەيلەردىڭ مەرەكەسى - پەساح اياسىندا شيەلەنىسىپ وتىر. ءتۇرلى اۋدانداردان تارتىپسىزدىكتەر، پالەستينالىقتار مەن يزرايلدىكتەر اراسىنداعى قاقتىعىس، ونىڭ ىشىندە قارۋ قولدانىلعان جانجالدار تۋرالى اقپاراتتار ءتۇسىپ جاتىر. يزرايل بيلىگى پالەستينالىقتاردىڭ اۋماعىن پاسحالىق قورشاۋعا الۋ باستالعانىن مالىمدەدى. اسكەريلەر گازا سەكتورىنان زىمىرانمەن وق اتۋ جالعاسىپ جاتقانىن حابارلادى.
جاعدايدى پوليتسيانىڭ سارسەنبىگە قاراعان ءتۇنى ءال- اقسا الدىنداعى وپەراتسياسى ۋشىقتىرىپ جىبەردى. يزرايل كۇشتەرى مەشىتكە باسىپ كىرىپ، سول جەردە پالەستينالىق بەلسەندىلەرمەن تەكەتىرەس جالعاسقان. ءى ءى م مالىمەتى بويىنشا، 350-دەن استام ادام ۇستالدى. رامازان كەزىندە قاسيەتتى ورىنداعى كۇش كورسەتۋدى اراب مەملەكەتتەرى ليگاسى سىنعا الدى. ا ق ش شيەلەنىستى ازايتۋعا شاقىردى. ب ۇ ۇ مەملەكەتتىك حاتشىسى انتونيۋ گۋتەرريش قاپا بولعانىن مالىمدەدى.
بۇعان دەيىن يزرايل پوليتسياسى شىعىس يەرۋساليمدەگى ءال- اقسا مەشىتى اۋماعىنا تەكسەرىس جۇرگىزۋ كەزىندە سارسەنبى كۇنى تاڭدا پالەستينالىق دىنشىلدەردى تۇتقىنداعانى حابارلانعان بولاتىن. جەرگىلىكتى بيلىك وكىلدەرىنىڭ سوزىنشە، سارسەنبى كۇنى 400-دەن اسا پالەستينالىق ازامات تۇتقىندالعان، ولار يزرايلدە قاماۋدا وتىر.
اۆتور
بالنۇر قوجاگەلدى
