كىناسى دالەلدەندى. تۇرلىحانوۆتىڭ ۇلىنىڭ ءىسى بويىنشا جاڭا دەرەك شىقتى

استانا. قازاقپارات - تەرگەۋشىلەر بەلگىلى قازاقستاندىق بالۋان داۋلەت تۇرلىحانوۆتىڭ ۇلى نۇراسىل بولاتتىڭ كىناسىن دالەلدەدى.

19 جاستاعى جىگىتتى زاڭگەرلەر وتباسى - اننا ديميتريەۆيچ پەن ولەگ چەرنوۆ وزدەرىن سوققىعا جىقتى دەپ ايىپتاعان بولاتىن، دەپ حابارلايدى ك ت ك تەلەارناسى.

وقيعا 11- اقپان الماتىداعى ساۋدا ۇيلەرىنىڭ ءبىرىنىڭ كولىك تۇراعىندا بولعان.

مۇحيت جاۋعاشيەۆ، ق ر ءى ءى م وڭتۇستىك-وڭىرلىك اسكەري-تەرگەۋ باسقارماسىنىڭ باستىعى:

- جەدەل تەرگەۋ امالدارى بويىنشا كۇدىكتى رەتىندە بولات ن. د. كىناسى تولىقتاي دالەلدەندى. ق ك 107-بابى، 2-تارماعىمەن جۇرگىزىلگەن تەرگەۋ اياقتالدى. قازىرگى كەزدە ىسپەن تانىسۋ ءجۇرىپ جاتىر. ءبارى بىتكەننەن كەيىن الماتى اسكەري سوتىنا جىبەرەمىز. قازىر بولات ن. د. اسكەري ءبولىم باقىلاۋىندا.

ولەگ چەرنوۆ:

- ءبىزدى ۇرىپ جاتقان ۆيدەونى كىم جانە نە ءۇشىن سالعانىن بىلمەيمىز. سوسىن ول بولعان وقيعانىڭ ءبىر بولىگى عانا. بىزدە ودان دا سوراقى ۆيدەولار بار. كوزدەگەنىمىز اقشا ەمەس — ادىلدىك. بۇل كەلەڭسىز جايت بارلىعىنا ساباق بولۋ كەرەك. تۇرلىحانوۆتىڭ بالاسى جازاسىز قالماۋ كەرەك. ءىستى سوڭىنا دەيىن جەتكىزەمىز.