قارۋ-جاراق ۇستايتىن استانالىقتار كوبەيىپ كەلەدى - پوليتسيا

«ەلوردا حالقى جىل ساناپ كوبەيىپ كەلەدى، تيىسىنشە قارۋ-جاراق يەلەنۋشىلەردىڭ دە سانى كوبەيدى. استانادا قارۋ-جاراق ۇستايتىن ادامدار جىلىنا 500-گە ارتادى. جالپى سۇرانىس بار. بىرەۋلەر جەكە باسىن قورعاۋ ماقساتىندا السا، ەكىنشى ءبىر توپ سپورت ءۇشىن، تاعى بىرەۋلەر اڭ اۋلاۋعا الىپ جاتادى. نەگىزىندە قارۋ ۇستاۋعا رۇقسات جوعارىدا اتالعان ءۇش ماقساتقا بەرىلەدى»، - دەدى ازامات امەن پوليتسيا دەپارتامەنتىندە وتكەن باسپا ءسوز ءماسليحاتىندا.

سونداي- اق، ينسپەكتور قارۋ- جاراق قولدانىپ جاسالاتىن قىلمىستاردىڭ ازايعانىن ايتىپ وتىر.

«ەلوردادا مۇنداي قىلمىستار ازايدى. 2015 -جىلدان بەرى تراۆماتيكالىق قارۋدى ساتىپ الۋ اكسياسى ءوتىپ كەلەدى. سودان بەرى قارۋمەن جاسالعان قىلمىس سانى ايتارلىقتاي تومەندەدى. مەكتەپتە قارۋ- جاراقتى قولدانۋ بويىنشا پروفيلاكتيكالىق شارا وتكىزىلىپ تۇرادى. سونىمەن قاتار قارۋ- جاراق دۇكەندەرىنىڭ يەلەرىنە اقپاراتتىق ءتۇسىندىرۋ جۇمىستارى ۇيىمداستىرىلادى»، - دەيدى ول.

ايتا كەتەيىك، ەلوردادا 10-ساۋىردە تىركەلمەگەن قارۋ- جاراقتى ساتىپ الۋ اكسياسى باستالادى.

ونىڭ اياسىندا استانالىقتار قارۋ- جاراقتى ءوز ەركىمەن پوليتسياعا تاپسىرىپ 34500 تەڭگەدەن 345 مىڭ تەڭگەگە دەيىن سىياقى الا الادى.

سىياقى قارۋدىڭ تۇرىنە، ساناتىنا جانە ساقتالۋ جاعدايىنا قاراي بەلگىلەنەدى.

اۆتور

داۋلەت ىزتىلەۋ