قىتايدا حالىق اعاش ەگۋگە جاپپاي جۇمىلادى

استانا. قازاقپارات- قىتايدا اعاش ەگۋ ناۋقانى مەملەكەتتىك دەڭگەيدە ۇيىمداستىرىلادى. شاراعا حالىق جاپپاي قاتىسىپ، ەلدى كوگالداندىرۋعا ءوز ۇلەسىن قوسادى. جالپى قىتاي اعاش وتىرعىزۋ بويىنشا الەمدە كوش باستاپ كەلەدى.

ونداعان جىلدار بويى جۇيەلى جۇرگىزىلگەن جوسپاردىڭ ناتيجەسىندە، ءشول بولعان ايماقتار نۋ ورمانعا اينالدى. بەيجىڭدەگى اعاش ەگۋ شاراسىنا قىتاي حالىق رەسپۋبليكاسىنىڭ ءتوراعاسى شي جينپيڭ قاتىستى. كولەمى بويىنشا الەمدە ءۇشىنشى ورىندى ا ق ش- پەن ءبولىسىپ تۇرعان قىتايدا جەردىڭ 27 پروتسەنتىن ءشول الىپ جاتىر. ۇنەمى سوعاتىن داۋىلداردىڭ كەسىرىنەن اينالاسىن قۇم باسىپ، ءتىپتى بەيجىڭ سەكىلدى ءىرى قالالارعا جەتكەن. سوڭعى ەلۋ جىلدا ەلدەگى ورمانداردىڭ ۇلەسى 5 پروتسەنتتەن 13 جارىم پروتسەنتكە دەيىن ءوستى. بۇل باتىس ەۋروپامەن شامالاس اۋدان.

ۆان مينحۋا، توشۋيتسيۋان ايماعىنىڭ تۇرعىنى:

- كەزىندە بۇكىل اۋلىمىزدى قۇم باساتىن. جەل سوققاندا، كۇندىز دە شام جاعىپ، سىرتقا شىعاتىنبىز. ويتكەنى تۇك كورىنبەيتىن. وسىنىڭ كەسىرىنەن مالشىلار قويلارىن دا جوعالتاتىن. ال تۇندە ۇيلەرىمىزدى قۇم باسىپ، ەسىكتى اشۋ ءۇشىن كۇرەكپەن تازارتاتىنبىز. اعاش ەگە باستاعالى قۇمنان قۇتىلىپ، ەككەن داقىلداردان ءونىم دە ارتتى. جۇرتتىڭ ءال- اۋقاتى ءوستى.

ءاۋ باستا بيلىك اعاش ەگۋدى مىندەتتەسە، قازىر جۇرت ءوز ەركىمەن ەگەدى. شارۋالاردان كوشەتتەردى ساتىپ الادى. اسىرەسە سەكسەۋىل سەكىلدى قۇمدا وسۋگە بەيىمدەلگەن اعاش تۇرلەرىنە سۇرانىس كوپ.

ەكولوگيالىق احۋالى ناشار قىتايدا كاسىپورىندارعا اۋاعا شىعاراتىن كومىرقىشقىل گاز كولەمى شەكتەلگەن. الايدا ورمان ەككەن شارۋالارعا اعاشتارى سىڭىرگەن كومىرقىشقىل گازى ءۇشىن اقشا تولەپ، ءوندىرىسىن ارتتىرا الادى. جالپى قىتاي بيلىگى 2050 -جىلعا دەيىن 100 ميلليارد اعاش ەگۋدى كوزدەپ وتىر.

www.24.kz