استانادا كەمىرگىشتەردى جويۋ شارالارى باستالدى

استانا. قازاقپارات - استانا قالاسىنىڭ قورشاعان ورتانى قورعاۋ جانە تابيعاتتى پايدالانۋ باسقارماسى كوكتەمگى دەراتيزاتسيا جۇمىسىن وتكىزۋدى باستايدى، دەپ حابارلايدى قازاقپارات ەلوردا اكىمدىگىنىڭ رەسمي سايتىنا سىلتەمە جاساپ.

كەمىرگىشتەردى جويۋ جونىندەگى ءىس- شارالار جەكە سەكتوردى جانە اشىق اۋماقتاردى (ساياباقتار، زيراتتار، وزەن جاعاسى، سۋ قويمالارى مەن كانالدار) قامتيتىن بولادى.

تۇرعىندار ارنايى ۋلى پرەپاراتتاردى تەگىن الادى، سونداي- اق سول جەردە قاۋىپسىزدىك جونىندە نۇسقاۋلارى وتكىزىلەدى. ماماندار تۇرعىن ۇيلەردى 3 تۋر (دەزينفەكتورلار جەكە سەكتورلارعا 3 رەت كىرەدى) بويىنشا وڭدەيدى. ونىڭ بارىسىندا 28 مىڭنان استام تۇرعىن ءۇيدى وڭدەۋ جوسپارلانىپ وتىر.

ءۇي يەلەرى ساقتىق شارالارى تۋرالى ۇمىتپاۋ كەرەك جانە ۋلى پرەپاراتتاردى بالالاردىڭ قولى جەتپەيتىن جەرلەردە: جەرتولەلەرگە نەمەسە ءۇيدىڭ توبەسىنە ورنالاستىرۋ كەرەك.

سونداي- اق دەراتيزاتسيا اشىق الاڭداردا جۇرگىزىلەتىن بولادى. ۋلى پرەپاراتتاردى ورناتۋ وزەندەردىڭ، كانالداردىڭ، سۋ ايدىندارىنىڭ ماڭىندا، زيراتتاردا، ساياباقتاردا جۇرگىزىلەدى. وڭدەلەتىن اشىق اۋماقتاردىڭ اۋدانى 3264 گەكتاردى قۇرايدى.

دەراتيزاتسيا ق ر- دا قولدانۋعا رۇقسات ەتىلگەن قۇرامىندا بروماديولون جانە برودەفور پرەپاراتتارىن قامتيتىن ءدان تۇرىندەگى ۋلى پرەپاراتتاردى پايدالانا وتىرىپ جۇرگىزىلەدى.

مۇنداي شارالار كەمىرگىشتەر سانىن ازايتۋ جانە اسا قاۋىپتى جۇقپالى اۋرۋلاردىڭ تارالۋىن بولدىرماۋ ءۇشىن قاجەت.