ەڭ باي ادامدار تىزىمىندە التى قازاقستاندىق بار
بيىلعى تىزىمگە جالپى 6 قازاقستاندىق ەنگەن، - دەپ حابارلايدى Massaget.kz ءتىلشىسى.
ەڭ باي ادامدار قاتارىندا KAZ Minerals كومپانياسىنىڭ پرەزيدەنتى ءارى باسشىسى ۆلاديمير كيم بار. ونىڭ بايلىعى 4,6 ميلليارد دوللارعا باعالاندى. ال بىلتىر ونىڭ تابىسى 5 ميلليارد دوللار بولعان. الەمدىك تىزىمدە 62 جاستاعى كاسىپكەر 582-ورىندا تۇر.
ەرلى-زايىپتى تيمۋر مەن دينارا قۇلىبايەۆتار تىزىمدە 627-ورىندا تۇر. ولاردىڭ تابىسى 3,8 ميلليارد دوللاردان 4,4 ميلليارد دوللارعا جەتكەن.
ۆياچەسلاۆ كيم 3,6 ميلليارد دوللارمەن 805-ورىنعا جايعاستى. ونىڭ بايلىعى بىلتىرمەن سالىستىرعاندا وسكەن. ۆياچەسلاۆ كيم - Kaspi.kz اكسيونەرى جانە ديرەكتورلار كەڭەسىنىڭ ءتوراعاسى. كاسىپكەر «السەكو» ا ق- تىڭ 90 پايىزىنا يەلىك ەتەدى.
ال Freedom Holding بروكەرلىك كومپانياسىنىڭ باسشىسى تيمۋر تۋرلوۆ 3,1 ميلليارد دوللارمەن رەيتينگىدە 909-ورىنعا كوتەرىلدى. ونىڭ بايلىعى بىلتىرمەن سالىستىرعاندا 700 ميلليون دوللارعا وسكەن.
ال قازاقستان تەننيس فەدەراتسياسىنىڭ پرەزيدەنتى بولات وتەمۇراتوۆتىڭ تابىسى كەرىسىنشە كەمىگەن. قازىر 2,7 ميلليارد دوللارمەن وتەمۇراتوۆ 1111-ورىندا تۇر.
