ەلىمىزدە «ۋىلدىرىق» ناۋقانى باستالدى
بۇل ءىس- شارا ۋىلدىرىق شاشۋ كەزەڭىندە بالىق قورىنىڭ تۇرلەرىن ساقتاۋعا باعىتتالعان.
رەسپۋبليكانىڭ ءار وبلىسىندا وڭىرلىك ەرەكشەلىكتەرىن ەسكەرە وتىرىپ تىيىمنىڭ مەرزىمدەرى بەلگىلەنگەن. قۇزىرلى مەملەكەتتىك ورگانداردىڭ قىزمەتكەرلەرى تىيىم سالىنعان كەزدە بالىق اۋلاۋ، بالىق ونىمدەرىن زاڭسىز ساتىپ الۋ جانە ساتۋ، الىپ ءجۇرۋ فاكتىلەرىن انىقتاۋعا نازار اۋدارادى.
اتالمىش تىيىمدى بۇزعانى ءۇشىن زاڭمەن 10 نان 40 اەك كولەمىندە ايىپپۇل رەتىندە اكىمشىلىك (ق ر ا ق ب ت ك- ءنىڭ 383-بابى) جانە 3 جىلعا دەيىن باس بوستاندىعىنان ايىرۋ رەتىندە قىلمىستىق (ق ر ق ك- ءنىڭ 335-بابى) جاۋاپكەرشىلىك قاراستىرىلعان.
«ىشكى ىستەر مينيسترلىگى ازاماتتاردى تابيعاتقا قامقور بولىپ، بەكىتىلگەن بالىق اۋلاۋ قاعيدالارىن ساقتاپ زاڭدى بۇزباۋعا شاقىرادى. ءار وڭىردەگى تىيىم سالۋ مەرزىمدەرى تۋرالى اقپاراتپەن قۇزىرەتتى ورگاننىڭ سايتىنان بىلۋگە بولادى»، - دەلىنگەن حابارلامادا.
