22:28, 04 - ءساۋىر 2023 | GMT +5
شاۆكات راحمونوۆتى ايگىلى كامارۋ ۋسمانمەن جەكپە-جەككە شىعارماق
استانا. قازاقپارات - قازاقستاندىق شاۆكات راحمونوۆ (17-0) UFC- دەگى كەلەسى جەكپە-جەگىن جارتىلاي اۋىر سالماقتاعى ۇيىمنىڭ بۇرىنعى چەمپيونى كامارۋ ۋسمانعا (20-3) قارسى وتكىزۋى ىقتيمال، دەپ حابارلايدى Vesti.kz.
ينسايدەرلىك اقپارات بويىنشا، بۇل جەكپە-جەك قازىرگى تاڭدا قاراستىرىلىپ جاتىر. دەمەك ونىڭ ءوتۋ ىقتيمالى ۇلكەن. راحمونوۆ UFC رەيتينگىندە التىنشى، ال ۋسمان - ءبىرىنشى.
كەيىنگى ايقاسىندا ۋسمان تورەشىلەر شەشىمىمەن UFC چەمپيونى بريتانيالىق لەون ەدۆاردسقا (21-3) ەسە جىبەردى. ال ەدۆاردس كەلەسى كەزدەسۋىن امەريكالىق كولبي كوۆينگتونعا (17-3) قارسى 22- شىلدە لوندوندا (ۇلى بريتانيا) وتكىزەدى.
