قايرات ساتىبالدى ۇلىنا قاتىستى جاڭا قىلمىستىق ءىس قوزعالدى
استانادا گۇلميرا ساتىبالدىعا قاتىستى سوت تالقىلاۋى جالعاسىپ جاتىر. وتىرىستا تۇرسىن الاگوزوۆتىڭ ادۆوكاتى - اقمارال بەرداليەۆا سوتتالۋشىنىڭ بۇرىنعى جۇبايى قايرات ساتىبالدى ۇلىنا قاتىستى قىلمىستىق ءىس قوزعالعانىن، وندا GALANZ bottlers ا ق اكسيالارى داۋلى مۇلىك ەكەنىن حابارلادى.
«ءىس اياسىندا ازاماتتىق تالاپقا تولىقتىرۋ بەردىك، وندا گۇلميرا ساتىبالدى الاگوزوۆتىڭ پايداسىنا 6 ميلليارد 985 ميلليون تەڭگە شىعىن جانە 5 ميلليارد تەڭگە مولشەرىندە مورالدىق شىعىن ءوندىرىپ الۋدى سۇرادىق. زالال سوماسىن تۇزەتۋ ءۇشىن GALANZ bottlers ا ق- نىڭ 2022-جىلعى 22- تامىزداعى نارىقتىق قۇنىن باعالاۋ تۋرالى ساراپشىلاردىڭ قورىتىندىلارى نەگىزىندە اكسيالاردىڭ 43,25 پايىزىنىڭ قۇنى 6 ميلليارد 584 ميلليون بولاتىنىن حابارلايمىز. وسىعان بايلانىستى تالاپ-ارىزداردى وسى سومانى ەسكەرە وتىرىپ ايتىپ وتىرمىز»، - دەدى جابىرلەنۋشى تۇرسىن الاگوزوۆتىڭ ادۆوكاتى.
ونىڭ ايتۋىنشا، داۋلى اكسيالار Jusan Bank-تە كەپىلگە قويىلعان.
ەسكە سالايىق، بۇعان دەيىن استانا سوتى قايرات ساتىبالدى ۇلىنا قاتىستى ۇكىم شىعارعانىن حابارلاعان ەدىك. ول التى جىلعا باس بوستاندىعىنان ايىرىلدى.
