كۇيەۋى رۇقسات بەرمەسە، ايەلى ورازا ۇستاي الماي ما؟
«ايەل ادام كۇيەۋىنە بويسۇنۋعا مىندەتتى. سول سياقتى بالالار دا ءوزىنىڭ اتا-اناسىن قۇرمەتتەۋگە، بويسۇنۋعا شاريعاتىمىزدا بۇيىرىلعان. ەندى ورازانىڭ ءوزى پارىز، ءناپىل (قوسىمشا) بولىپ بولىنەدى. ءناپىل ورازانى ايەل ادام نەگىزى كۇيەۋىنىڭ رۇقساتىمەن ۇستاۋ كەرەك. ياعني، كۇيەۋىنەن رۇقسات سۇراپ بارىپ، كەيىن ۇستاۋ كەرەك. ول جايىندا پايعامبارىمىزدىڭ حاديستەرى دە بار. ال ەندى پارىز ورازا اللا تاعالانىڭ بۇيرىعى بولعاندىقتان، بۇل ۋاقىتتا ايەل ادام كۇيەۋى تۇتپا دەسە دە ۇستايدى، ياعني ول ورازا بولسىن، ناماز بولسىن، بۇل اللا تاعالانىڭ پارىزى. بىرەۋدىڭ قارسى بولۋىمەن ول پارىز جويىلمايدى، ول پارىز بولىپ تۇرادى. سوندىقتان دا بۇل ۋاقىتتا جاقسى مامىلە قىلىپ، كۇيەۋىنە جاقسى ءتۇسىندىرىپ، ول ايەل ادام ءوزىنىڭ پارىز بولعان ورازاسىن ۇستاي بەرەدى»، - دەدى مامان.
ەسكە سالايىق، بۇعان دەيىن ءبيىلعى پىتىر ساداقا مولشەرى بەلگىلەنگەنى حابارلانعان بولاتىن. ءپىتىر ساداقانى رامازان ايىنىڭ ءبىرىنشى كۇنىنەن ورازا ايت نامازىنا دەيىن بەرۋگە بولادى.
