ءبىرقاتار مينيستر قىزمەتىن ساقتاپ قالدى

استانا. قازاقپارات - مەملەكەت باسشىسى قاسىم-جومارت توقايەۆتىڭ جارلىعىمەن ءبىرقاتار مينيستر قىزمەتىن ساقتاپ قالدى، - دەپ حابارلايدى اقوردانىڭ باسپا ءسوز قىزمەتى.

ادىلەت ءمينيسترى ءوز لاۋازىمىندا قالعان.

«مەملەكەت باسشىسىنىڭ جارلىعىمەن ازامات نەسىپباي ۇلى ەسقارايەۆ قازاقستان رەسپۋبليكاسىنىڭ ادىلەت ءمينيسترى لاۋازىمىنا تاعايىندالدى»، - دەلىنگەن حابارلامادا.

ول بۇل قىزمەتكە بيىل قاڭتاردا تاعايىندالعان ەدى.

اسحات ورالوۆ تا مينيستر قىزمەتىندە قالدى.

«مەملەكەت باسشىسىنىڭ جارلىعىمەن اسحات رازدىق ۇلى ورالوۆ قازاقستان رەسپۋبليكاسىنىڭ مادەنيەت جانە سپورت ءمينيسترى لاۋازىمىنا تاعايىندالدى»، - دەلىنگەن حابارلامادا.

شەنەۋنىك بيىل 4-قاڭتاردا قازاقستان رەسپۋبليكاسى پرەزيدەنتىنىڭ جارلىعىمەن قازاقستان رەسپۋبليكاسى مادەنيەت جانە سپورت ءمينيسترى قىزمەتىنە تاعايىندالعان ەدى.

الىبەك قۋانتىروۆ ۇلتتىق ەكونوميكا ءمينيسترى لاۋازىمىندا قالدى.

«مەملەكەت باسشىسىنىڭ جارلىعىمەن الىبەك ساكەن ۇلى قۋانتىروۆ قازاقستان رەسپۋبليكاسىنىڭ ۇلتتىق ەكونوميكا ءمينيسترى لاۋازىمىنا تاعايىندالدى»، - دەلىنگەن حابارلامادا.

2022 -جىلعى 11-قاڭتاردان باستاپ قازاقستان رەسپۋبليكاسىنىڭ ۇلتتىق ەكونوميكا ءمينيسترى بولىپ تاعايىندالدى.

تامارا دۇيسەنوۆا دا ەڭبەك جانە حالىقتى الەۋمەتتىك قورعاۋ ءمينيسترى لاۋازىمىنا قايتا تاعايىندالدى.

«تامارا بوسىمبەك قىزى دۇيسەنوۆا قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى لاۋازىمىنا تاعايىندالسىن»، - دەلىنگەن حابارلامادا.

ول بۇل قىزمەتكە 2022 -جىلعى 11-ساۋىردەن باستاپ تاعايىندالعان ەدى.

مارات قارابايەۆ يندۋستريا جانە ينفراقۇرىلىمدىق دامۋ ءمينيسترى لاۋازىمىنا قايتا تاعايىندالدى.

«مارات كارىمجان ۇلى قارابايەۆ قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ ءمينيسترى لاۋازىمىنا تاعايىندالسىن»، - دەلىنگەن حابارلامادا.

ول - 2023 -جىلعى قاڭتاردان باستاپ قازاقستان رەسپۋبليكاسى يندۋستريا جانە ينفراقۇرىلىمدىق دامۋ ءمينيسترى.

اجار عينيات دەنساۋلىق ساقتاۋ ءمينيسترى لاۋازىمىندا قالدى.

«اجار عينيات قازاقستان رەسپۋبليكاسىنىڭ دەنساۋلىق ساقتاۋ ءمينيسترى لاۋازىمىنا تاعايىندالسىن»، - دەلىنگەن حابارلامادا.

ول بىلتىر 11-قاڭتاردا دەنساۋلىق ساقتاۋ ءمينيسترى لاۋازىمىنا تاعايىندالعان بولاتىن.

مينيستر قىزمەتىندە مۋسين دە قالدى.

«باعدات باتىربەك ۇلى مۋسين قازاقستان رەسپۋبليكاسىنىڭ تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى لاۋازىمىنا تاعايىندالسىن»، - دەلىنگەن حابارلامادا.

دارحان قىدىرالى اقپارات جانە قوعامدىق دامۋ ءمينيسترى قىزمەتىن جالعاستىرادى، دەپ حابارلايدى قازاقپارات.

«مەملەكەت باسشىسىنىڭ جارلىعىمەن دارحان قۋاندىق ۇلى قىدىرالى قازاقستان رەسپۋبليكاسىنىڭ اقپارات جانە قوعامدىق دامۋ ءمينيسترى لاۋازىمىنا تاعايىندالدى»، - دەپ جازىلعان اقوردانىڭ رەسمي سايتىندا جاريالانعان قۇجاتتا.

ءزۇلفيا سۇلەيمەنوۆا ەكولوگيا جانە تابيعي رەسۋرستار ءمينيسترى لاۋازىمىندا قالاتىن بولدى.

اقوردانىڭ رەسمي سايتىندا جازىلعانداي، مەملەكەت باسشىسىنىڭ جارلىعىمەن ءزۇلفيا بولات قىزى سۇلەيمەنوۆا قازاقستان رەسپۋبليكاسىنىڭ ەكولوگيا جانە تابيعي رەسۋرستار ءمينيسترى لاۋازىمىنا تاعايىندالدى.

ايتا كەتەيىك، ءزۇلفيا سۇلەيمەنوۆا 1990 -جىلى اقتوبە قالاسىندا دۇنيەگە كەلگەن.

ل. گۋميلەۆ اتىنداعى ەۋرازيا ۇلتتىق ۋنيۆەرسيتەتىن بىتىرگەن. پرەزيدەنتتىك جاستار كادرلىق رەزەرۆىنىڭ مۇشەسى.

ەڭبەك جولىن 2014 -جىلى جاھاندىق ساياسات جانە قاۋىپسىزدىك ورتالىعىنىڭ وڭىرلىك جانە جاھاندىق قاۋىپسىزدىك ءبولىمىنىڭ عىلىمي قىزمەتكەرى بولىپ باستادى.

ال، الماسادام ساتقاليەۆ ەنەرگەتيكا ءمينيسترى لاۋازىمىنا جاڭادان تاعايىندالدى.

مەملەكەت باسشىسىنىڭ جارلىعىمەن الماسادام مايدان ۇلى ساتقاليەۆ قازاقستان رەسپۋبليكاسىنىڭ ەنەرگەتيكا ءمينيسترى لاۋازىمىنا تاعايىندالدى، دەپ حابارلايدى قازاقپارات اقورداعا سىلتەمە جاساپ.

الماسادام مايدان ۇلى 1970 -جىلى 31-قازاندا الماتى قالاسىندا دۇنيەگە كەلدى.

بۇرىنعى ەنەرگەتيكا ءمينيسترى بولات اقشولاقوۆ پرەزيدەنت كەڭەسشىسى بولدى، دەپ حابارلايدى قازاقپارات.

«مەملەكەت باسشىسىنىڭ وكىمىمەن بولات ورال ۇلى اقشولاقوۆ قازاقستان رەسپۋبليكاسى پرەزيدەنتىنىڭ كەڭەسشىسى لاۋازىمىنا تاعايىندالدى»، - دەپ جازىلعان اقوردانىڭ رەسمي سايتىنداعى قۇجاتتا.

ساياسات نۇربەك عىلىم جانە جوعارى ءبىلىم ءمينيسترى لاۋازىمىنا قالدى.

مەملەكەت باسشىسىنىڭ جارلىعىمەن ساياسات نۇربەك قازاقستان رەسپۋبليكاسىنىڭ عىلىم جانە جوعارى ءبىلىم ءمينيسترى لاۋازىمىنا تاعايىندالدى.

يۋري يلين دە توتەنشە جاعدايلار ءمينيسترى قىزمەتىنە قايتا تاعايىندالدى.

مەملەكەت باسشىسىنىڭ جارلىعىمەن يۋري ۆيكتوروۆيچ يلين قازاقستان رەسپۋبليكاسىنىڭ توتەنشە جاعدايلار ءمينيسترى لاۋازىمىنا تاعايىندالدى، دەپ حابارلايدى اقوردا.

مەملەكەت باسشىسىنىڭ جارلىعىمەن ەربول شىراقپاي ۇلى قاراشوكەيەۆ قازاقستان رەسپۋبليكاسىنىڭ اۋىل شارۋاشىلىعى ءمينيسترى لاۋازىمىنا تاعايىندالدى.

ەربول شىراقپاي ۇلى قاراشوكەيەۆ1976-جىلى 26- قاراشادا الماتى وبلىسىندا دۇنيەگە كەلگەن.

ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن، قازىرگى زامان گۋمانيتارلىق ينستيتۋتىن بىتىرگەن.

ماماندىعى بويىنشا بىلىكتىلىگى - ەكونوميست، ەكونوميكا ماگيسترى، قۇقىقتانۋ باكالاۆرى، باكالاۆر اكادەميالىق دارەجەسى بەرىلگەن مەنەدجمەنت سالاسىنىڭ مامانى.

مەملەكەت باسشىسىنىڭ جارلىعىمەن عاني بەكتاي ۇلى بەيسەمبايەۆ قازاقستان رەسپۋبليكاسىنىڭ وقۋ-اعارتۋ ءمينيسترى لاۋازىمىنا تاعايىندالدى.

عاني بەيسەمبايەۆ 1969-جىلى قىزىلوردا وبلىسىندا دۇنيەگە كەلگەن.

اباي اتىنداعى الماتى مەملەكەتتىك ۋنيۆەرسيتەتىن بىتىرگەن.