ۇكىمەت باسشىسى جانارماي باعاسىن وسىرۋگە قاتىستى پىكىر ءبىلدىردى
«جانار-جاعارماي نارىعىنداعى جاعدايدى تۇراقتاندىرۋ ءۇشىن باعا ايىرماشىلىعىن تومەندەتۋ كەرەك. بۇل ەلدەن مۇناي ونىمدەرىنىڭ جاپپاي شىعارىلۋىن ازايتۋعا جانە ىشكى نارىقتى قامتاماسىز ەتۋگە مۇمكىندىك بەرەدى. بىزدە بۇدان باسقا جول جوق. دەگەنمەن اۋىل شارۋاشىلىعى تاۋارىن وندىرۋشىلەرگە ارزانداتىلعان ديزەل تولىعىمەن ءبولىندى. ولارعا باعا 204 تەڭگە كۇيىندە قالا بەرمەك»، - دەدى ءاليحان سمايىلوۆ ۇكىمەت وتىرىسىنان كەيىن ب ا ق وكىلدەرى الدىندا مالىمدەمە جاساي تۇرىپ.
«ناۋرىز ايىنىڭ وزىندە جانار-جاعارماي تۇتىنۋ كولەمى وتكەن جىلمەن سالىستىرعاندا %15 عا وسكەن. ەگەر رەسپۋبليكا باعا ايىرماشىلىعىن قىسقارتپاسا، وندا بيىل 850 مىڭ تونناعا دەيىن كولەمدە جانارماي تاپشىلىعىنا ۇرىنامىز. سونىمەن قاتار جانارماي وندىرۋدە ىشكى نارىقتى قولداۋ جانە ەلدەن زاڭسىز اكەتۋدىڭ جولىن كەسۋ ءۇشىن ءتيىستى شارالاردى قابىلدايمىز»، - دەپ تولىقتىردى ۇكىمەت باسشىسى.
