ەلىمىزدىڭ باسىم بولىگىندە جەل تۇرىپ، جاۋىن جاۋادى - قازگيدرومەت

استانا. قازاقپارات - «قازگيدرومەت» ر م ك- سى ءساۋىردىڭ 3- كۇنگى كۇن رايى بولجامىن جاريالادى، دەپ حابارلايدى قازاقپارات.

ەلىمىزدىڭ باسىم اۋماعىنا ءالى دە انتيتسيكلون جوتاسى اسەر ەتەدى. وسىعان بايلانىستى كۇن جاۋىن- شاشىنسىز بولادى. تەك ەلىمىزدىڭ وڭتۇستىگىندە، كۇندىز وڭتۇستىك- شىعىسىندا فرونتالدى بولىكتەردىڭ وتۋىنە وراي جاڭبىر جاۋىپ، وڭتۇستىگىندە نايزاعاي ويناپ، قاتتى جاڭبىر جاۋادى.

رەسپۋبليكا بويىنشا وڭتۇستىك- شىعىستا قاتتى جەل، وڭتۇستىكتە شاڭدى داۋىل تۇرادى، باتىستا، وڭتۇستىك- شىعىستا تۇمان تۇسەدى.

تۇركىستان وبلىسىنىڭ تاۋلى اۋداندارىندا قاتتى جاڭبىر جاۋۋى ىقتيمال.

جەتىسۋ وبلىسىندا، تۇندە جامبىل وبلىسىندا جەل تۇرىپ، ەكپىنى 30 م/س بولادى، كەي ايماقتاردى ودان دا كۇشتى بولۋى مۇمكىن.

تۇندە الماتى، جامبىل جەتىسۋ وبلىستارىندا 1-6 گرادۋس اياز ساقتالادى.