ق ر قورعانىس ءمينيسترى مەن ىشكى ىستەر ءمينيسترى قىزمەتىنە قايتا تاعايىندالدى

استانا. قازاقپارات - مەملەكەت باسشىسىنىڭ جارلىعىمەن رۋسلان فاتيح ۇلى جاقسىلىقوۆ قازاقستان رەسپۋبليكاسىنىڭ قورعانىس ءمينيسترى لاۋازىمىنا تاعايىندالدى، دەپ حابارلايدى اقوردا.

رۋسلان فاتيح ۇلى 1966 -جىلى 4-ناۋرىزدا الماتى وبلىسىنىڭ قاسكەلەڭ قالاسىندا دۇنيەگە كەلگەن. ۇلتى - قازاق.

I ،II دارەجەلى «داڭق» وردەنىمەن، تۇركيا رەسپۋبليكاسى قارۋلى كۇشتەرىنىڭ وردەنىمەن جانە ك س ر و، ت م د، قازاقستان رەسپۋبليكاسىنىڭ 40 مەدالىمەن ناگرادتالعان. پەداگوگيكا عىلىمدارىنىڭ كانديداتى. اسكەري اتاعى - گەنەرال- لەيتەنانت.

1983 -جىلى الماتى وبلىسى قاسكەلەن اۋدانىنىڭ كيروۆ اتىنداعى ورتا مەكتەبىن بىتىرگەننەن كەيىن ي. س. كونيەۆ اتىنداعى الماتى جوعارى جالپى اسكەري كوماندالىق ۋچيليشەسىنە كوماندالىق تاكتيكالىق باسشىلىق ماماندىعى بويىنشا وقۋعا ءتۇسىپ، ونى 1987 -جىلى ءبىتىردى.

1996 -جىلى م. ۆ. فرۋنزە اتىنداعى اسكەري اكادەمياسىن كوماندالىق-شتابتىق جەدەل- تاكتيكالىق اسكەري بارلاۋ ماماندىعى بويىنشا ءتامامدادى.

2004 -جىلى رەسەي فەدەراتسياسى ق ك باس شتابى اسكەري اكادەمياسىندا مەملەكەتتىڭ اسكەري قاۋىپسىزدىگى ماماندىعى بويىنشا جوعارى اكادەميالىق كۋرستارىن اياقتادى.

2003 -جىلى شىمكەنت قالاسىنىڭ ءماسليحاتى 3-شاقىرىلىمىنىڭ دەپۋتاتى بولىپ سايلاندى.

1987 جانە 2006 -جىلدار ارالىعىندا ۆزۆود كومانديرىنەن باستاپ قۇراما كومانديرىنە دەيىنگى ءارتۇرلى لاۋازىمداردا قىزمەت اتقاردى.

2006 جانە 2007 -جىلدار ارالىعىندا قازاقستان رەسپۋبليكاسى ءى ءى م ىشكى اسكەرلەرى قولباسشىسىنىڭ ورىنباسارى.

2007 جانە 2008 -جىلدار ارالىعىندا قازاقستان رەسپۋبليكاسى ءى ءى م ىشكى اسكەرلەرى قولباسشىسىنىڭ ءبىرىنشى ورىنباسارى - قازاقستان رەسپۋبليكاسى ءى ءى م ىشكى اسكەرلەر باس شتابىنىڭ باستىعى.

2008 -جىلعى 4-قىركۇيەكتەن باستاپ قازاقستان رەسپۋبليكاسى ءى ءى م ىشكى اسكەرلەرىنىڭ قولباسشىسى.

2013 -جىلعى 22-قاڭتاردان باستاپ قازاقستان رەسپۋبليكاسى ءى ءى م ىشكى اسكەرلەرىنىڭ باس قولباسشىسى.

2014 -جىلعى 24-ساۋىرىنەن باستاپ قازاقستان رەسپۋبليكاسى ۇلتتىق ۇلانىنىنىڭ باس قولباسشىسى.

2021 -جىلعى 29-قىركۇيەكتەن باستاپ قازاقستان رەسپۋبليكاسى ىشكى ىستەر ءمينيسترىنىڭ ورىنباسارى - ۇلتتىق ۇلانىنىڭ باس قولباسشىسى.

2022 -جىلدىڭ قاڭتار ايىنان بەرى ق ر قورعانىس ءمينيسترى.

سونداي-اق، مارات احمەتجانوۆ قازاقستان رەسپۋبليكاسىنىڭ ىشكى ىستەر ءمينيسترى لاۋازىمىنا تاعايىندالدى، دەپ حابارلايدى قازاقپارات.

«مەملەكەت باسشىسىنىڭ جارلىعىمەن مارات مۇرات ۇلى احمەتجانوۆ قازاقستان رەسپۋبليكاسىنىڭ ىشكى ىستەر ءمينيسترى لاۋازىمىنا تاعايىندالدى»، - دەپ جازىلعان اقوردانىڭ سايتىندا.

***

احمەتجانوۆ مارات مۇرات ۇلى 1964 -جىلى 22-جەلتوقساندا دۇنيەگە كەلگەن.1991 -جىلى ە. ا. بۋكەتوۆ اتىنداعى قاراعاندى مەملەكەتتىك ۋنيۆەرسيتەتىن بىتىرگەن، زاڭگەر.

ەڭبەك جولىن 1991 -جىلى تاعىلىمگەر قىزمەتىنەن باستاپ، كەيىن تەمىرتاۋ قالاسى پروكۋراتۋراسىنىڭ تەرگەۋشىسى بولىپ قىزمەت اتقارعان.

1993-1996 ج ج. - باس پروكۋراتۋرا جانىنداعى سىبايلاس جەمقورلىققا قارسى كۇرەس جونىندەگى ارنايى پروكۋراتۋرانىڭ اسا ماڭىزدى ىستەر جونىندەگى اعا تەرگەۋشىسى، باس پروكۋراتۋرانىڭ اسا قاۋىپتى قىلمىستاردى تەرگەۋ باسقارماسى ايماقتىق تەرگەۋشىلەر ءبولىمىنىڭ باستىعى.

1996-1997 ج ج. - مەملەكەتتىك تەرگەۋ كوميتەتىنىڭ اسا قاۋىپتى قىلمىستاردى تەرگەۋ باسقارماسىنىڭ ءبولىم باستىعى، مەملەكەتتىك تەرگەۋ كوميتەتىنىڭ اسكەري- تەرگەۋ دەپارتامەنتى تەرگەۋ باسقارماسىنىڭ باستىعى.

1997-1998 ج ج. - ىشكى ىستەر مينيسترلىگىنىڭ اسكەري-تەرگەۋ دەپارتامەنتى تەرگەۋ باسقارماسىنىڭ باستىعى.

1998-2001 ج ج. - تەرگەۋ دەپارتامەنتى ديرەكتورىنىڭ ورىنباسارى جانە ادىلەت مينيسترلىگىنىڭ سوت قاۋلىلارىن ورىنداۋ كوميتەتى ءتوراعاسىنىڭ ورىنباسارى.

2001-2003 ج ج. - باس پروكۋراتۋرانىڭ تەرگەۋ جانە انىقتاۋ ورگاندارىنداعى زاڭدىلىقتى قاداعالاۋ دەپارتامەنتىنىڭ باستىعى.

2003-2006 ج ج. - پاۆلودار وبلىسىنىڭ پروكۋرورى.

2006-2009 ج ج. - وڭتۇستىك قازاقستان وبلىسىنىڭ پروكۋرورى.

2009-2012 ج ج. - ق ر باس پروكۋراتۋراسى قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ ءتوراعاسى.

2012-2014 ج ج. - ق ر ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگى ءتوراعاسىنىڭ ورىنباسارى.

2014-2016 ج ج. - اتىراۋ وبلىسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل دەپارتامەنتىنىڭ باسشىسى، اتىراۋ وبلىسى سىبايلاس جەمقورلىققا قارسى ءىس-قيمىل ۇلتتىق بيۋرو دەپارتامەنتىنىڭ باسشىسى.

2016-2021 ج ج. - قازاقستان رەسپۋبليكاسى باس پروكۋرورىنىڭ ورىنباسارى.

2021 -جىلدىڭ 16-ساۋىرىنەن باستاپ قازاقستان رەسپۋبليكاسىنىڭ سىبايلاس جەمقورلىققا قارسى ءىس- قيمىل اگەنتتىگىنىڭ (سىبايلاس جەمقورلىققا قارسى قىزمەتتىڭ) ءتوراعاسى بولدى.

2022 -جىلعى 25-اقپاننان بەرى ىشكى ىستەر ءمينيسترى لاۋازىمىن اتقارىپ كەلەدى.

«قۇرمەت» (2008) جانە II دارەجەلى«داڭق» (2014) وردەندەرىمەن، «قازاقستان رەسپۋبليكاسىنىڭ تاۋەلسىزدىگىنە 10 جىل»، «قازاقستان كونستيتۋتسياسىنا 10 جىل»، «استانانىڭ 10 جىلدىعى» مەرەيتويلىق مەدالدارىمەن، «رەسەي فلوتىنا 300 جىل» ەستەلىك مەدالى جانە «ادميرال كۋزنەتسوۆ» مەدالدارىمەن ماراپاتتالعان.

وتباسىلىق جاعدايى: ۇيلەنگەن، ەكى بالا تاربيەلەپ وتىر.