التايدا «مىڭ جىلدىق كوش جولى، كورىكتى التاي» اتتى كورمە ءوتىپ جاتىر - شەتەلدەگى قازاق باسپا ءسوزى
التايدا «مىڭ جىلدىق كوش جولى، كورىكتى التاي» اتتى كورمە ءوتىپ جاتىر - CNR
ناۋرىزدىڭ 28 ءى كۇنى التاي ايماقتىق ادەبيەت جانە ونەر ۇيىرمەلەر وداعى كورمە زالىندا «مىڭ جىلدىق كوش جولى، كورىكتى التاي» اتتى قىلقالام شەبەرى جۇماجان بەشەن ۇلىنىڭ جەكە سۋرەت كورمەسى اشىلدى.
9 كۇنگە سوزىلاتىن كورمەنى ايماقتىق ادەبيەت جانە ونەر ۇيىرمەلەر وداعى ۇيىمداستىردى، دەپ حابارلايدى قىتايدىڭ «ورتالىق حالىق راديوسى» اقپاراتتىق پورتالى.
جۇماجان بەشەن ۇلى بۇل كورمەنى وتكىزۋدەگى ماقساتى تۋرالى ءوز پىكىرىن بىلدىرگەن.
«كوشپەندى حالقىمىز عاسىرلار بويى تابيعاتى عاجايىپ، جەرى شۇرايلى، ءشوبى شۇيگىن، مالعا، ادامعا جايلى وڭىرگە قونىستانىپ، ماۋسىمعا قاراي جايلىمدى اۋىستىرىپ مال باعاتىن كوشى-قون ءداستۇرىن قالىپتاستىرعان. مەن كىشكەنتايىمنان وسى عاجايىپ تابيعات اياسىندا ەسەيىپ، ەرجەتكەنمىن. سول سەبەپتى كوشپەندى حالقىمنىڭ تۇرمىسىنا ابدەن قانىقپىن. بۇل جولعى سۋرەت كورمەمنىڭ نەگىزگى تاقىرىبى − «مىڭ جىلدىق كوش جولى، كورىكتى التاي». كورمە تاقىرىبىن وسىلاي قويۋىمنىڭ سەبەبى - قازىر ۇمىت بولا باستاعان، كوش جولىن قىلقالام ارقىلى كوپشىلىك نازارىنا ۇسىنۋ. تۋعان ولكەمنىڭ كوركەم كورىنىسى مەن قازىرگى زامانعى وزگەرىستەرىن كوركەم سۋرەتتەرىم ارقىلى بەينەلەۋ»، دەيدى سۋرەتشى.
جۇماجان بەشەن ۇلىنىڭ كورمەگە قويىلعان 80 نەن استام تۋىندىسىندا التايدىڭ كوركەم كورىنىسى مەن قاتار ۇلتىمىزدىڭ ەشكىمگە ۇقسامايتىن وزگەشە مادەنيەتىن كاسىبي دەڭگەيدە بەينەلەي العان. بۇل جولعى كورمەگە قويىلعان ۇلتتىق بوياۋى قانىق تۋىندىلارعا قاراپ ج. بەشەن ۇلى شىعارماشىلىعىنىڭ وزىندىك مانەرى قالىپتاسقان شەبەر سۋرەتشى ەكەنىن اڭعارۋعا بولادى.
ايتا كەتەيىك، 35 جاستاعى جۇماجان بەشەن ۇلى قىتايدىڭ التاي ايماعى، شىڭگىل اۋدانىندا دۇنيەگە كەلگەن كاسىبي سۋرەتشى. شىڭجاڭ پەداگوگيكالىق ۋنيۆەرسيتەتىنىڭ بەينەلەۋ ونەرى ينستيتۋتىنىڭ بەينەلەۋ ونەرى ماماندىعى بويىنشا بىتىرگەن. شىڭجاڭ سۋرەتشىلەر وداعىنىڭ جانە التاي سۋرەتشىلەر وداعىنىڭ مۇشەسى.
گۋانجوۋ-ءۇرىمجى-استانا باعىتى قالپىنا كەلتىرىلدى - CNR
27- ناۋرىز كۇنى قىتايدىڭ Southern Airlines اۋە كومپانياسىنىڭ CZ6013 رەيسى ءۇرىمجى ديۆوپۋ حالىقارالىق اۋەجايىنان ءساتتى ۇشىپ شىقتى، بۇل گۋانجوۋ-ءۇرىمجى-استانا باعىتىنىڭ تولىق قالپىنا كەلۋىن بىلدىرەدى، دەپ حابارلايدى قىتايدىڭ «ورتالىق حالىق راديوسى» اقپاراتتىق پورتالى.
اتالعان ب ا ق- تىڭ كەلتىرگەن مالىمەتىنە سۇيەنسەك، بۇل باعىت گۋانجوۋدان قازاقستاننىڭ باس قالاسى استاناعا ءۇرىمجى ارقىلى اۋە قاتىناسىن قايتا قالپىنا كەلتىرىلگەننەن بەرگى العاشقى باعىت ەكەن. مارشرۋتتى ءار دۇيسەنبى جانە جۇما كۇندەرى ەكى رەيس ورىنداۋ جوسپارلانۋدا.
ءۇرىمجى ديۆوپۋ حالىقارالىق اۋەجايى وسى باعىتتىڭ سوڭعى جونەلتەتىن جانە ءبىرىنشى كەلەتىن پورتى بولىپ تابىلادى.
وسى ترانزيتتىك باعىتتىڭ اشىلۋىن قامتاماسىز ەتۋ ءۇشىن ءۇرىمجى ديۆوپۋ اۋەجايىنىڭ كەدەنى تاسىمالداۋ ماسەلەلەرىن ۇيلەستىرۋ ءۇشىن اۋە كومپانيالارى مەن گۋانچجوۋ بايۋن اۋەجايىنىڭ كەدەنىمەن بايلانىس ورناتۋعا باستاما كوتەرىپ، كەلىسىمگە قول قويعان.
قىتايلىق «CNR» - دىڭ دەرەگىنشە، بۇل باعىتتىڭ قايتا ىسكە قوسىلۋى قىتاي مەن قازاقستان ءۇشىن قولايلىلىق تۋعىزدى جانە قىتايدىڭ شىڭجاڭ، گۋاندۋن پروۆينتسياسى مەن قازاقستاننىڭ استاناسى استانا اراسىنداعى ەكونوميكا مەن مادەنيەت سالالارىنداعى ىنتىماقتاستىقتى ودان ءارى دامىتادى.
قازاق ەلشىسى تۇركيالىق مينيسترمەن كەزدەستى - «TRT»
قازاقستاننىڭ باس ەلشىسى تۇركيا مينيسترىمەن كەزدەستى. كەزدەسۋدە ەكىجاقتى ىنتىماقتاستىقتى كەڭەيتۋ مۋمكىندىكتەرى تالقىلاندى، دەپ حابارلايدى تۇركيا راديو تەليەۆيزيا پورتالى.
تۇركيالىق باسىلىمنىڭ دەرەگىنشە، 22- ناۋرىز كۇنى قازاقستان رەسپۋبليكاسىنىڭ تۇركياداعى وكىلەتتى جانە توتەنشە ەلشىسى ەركەبۇلان ساپيەۆ تۇركيا رەسپۋبليكاسىنىڭ جاستار جانە سپورت ءمينيسترى مەحمەت مۋحاررەم كاساپوگلۋمەن كەزدەسكەن.
كەزدەسۋ بارىسىندا ەكى ەل اراسىنداعى ەكىجاقتى ىنتىماقتاستىقتى كەڭەيتۋ مۋمكىندىكتەرى تالقىلانعان.
سونداي-اق، وسى اپتادا «TRT» اقپاراتتىق پورتالىندا «قازاقستان مۇنايى باكۋ-تبيليسي-دجەيحان ارقىلى تاسىمالدانادى» دەگەن تاقىرىپتاعى حابار جاريالاندى.
اتالعان اقپارات كوزىنىڭ كەلتىرگەن دەرەگىنە سۇيەنسەك، قازاقستان پرەزيدەنتى قاسىم-جومارت توقايەۆ باكۋ-تبيليسي-دجەيحان مۇناي قۇبىر جەلىسىنەن جىلىنا 20 ميلليون تونناعا مۇناي جولداۋدى جوسپارلاپ وتىرعاندارىن مالىمدەگەن.
ايتا كەتۋ كەرەك، قازاقستان ءساۋىر ايىندا باكۋ-تبيليسي- دجەيحان قۇبىر جەلىسى ارقىلى 125 مىڭ توننا مۇناي جىبەرۋدى جوسپارلاپ وتىر.
«.. مۇناي ەكسپورتىنىڭ جاڭا باعىتتارىنا بەت بۇرعان قازاقستان ۇكىمەتى 2023-جىلدان باستاپ باكۋ-تبيليسي-دجەيحان مۇناي قۇبىرى ارقىلى كاسپي تەڭىزىنەن مۇناي تاسىمالداۋدى باستايتىنىن جانە باكۋ-سۋپسا جانە باكۋ-باتۋمي قۇبىر جەلىلەرى بويىنشا جۇمىس ىستەپ جاتقانىن حابارلادى»، دەپ جازدى تۇركيالىق ب ا ق.
گانسۋدەن قوستانايعا حالىقارالىق جۇك پويىزى جەلىسى اشىلدى- People.cn
25- ناۋرىزدا ورتالىق ازياداعى العاشقى حالىقارالىق جۇك پويىزى گانسۋ ولكەسىنىڭ دينسي قالاسىنان قازاقستاننىڭ قوستاناي قالاسىنا ءساتتى جونەلتىلدى، دەپ جازادى «حالىق» گازەتى.
قىتايلىق ب ا ق- تىڭ مالىمەتىنشە، حالىقارالىق جۇك پويىزىنا 55 ستاندارتتى كونتەينەر، سونىڭ ىشىندە اۆتوكولىك بولشەكتەرى، تاۋارلىق اۆتوموبيلدەر، ماتالار جانە ت. ب. قۇنى شامامەن 3,03 ميلليون ا ق ش دوللارىن قۇرايتىن جۇكتەر تيەلگەن. بۇل پويىزدىڭ تاسىمالداۋ قاشىقتىعى شامامەن 5170 شاقىرىمدى قۇرايدى. دينسي تەمىرجولىنىڭ جۇك ستانساسىنان شىققاننان كەيىن ول شىڭجاڭداعى قورعاس شەكاراسى ارقىلى ءوتىپ، قازاقستاننىڭ قوستاناي قالاسىنا جەتكىزىلمەك.
«حالىق» گازەتىنىڭ كەلتىرگەن مالىمەتىنە سۇيەنسەك، ء«بىر بەلدەۋ، ءبىر جول» باستاماسىن تەرەڭدەتە ىسكە اسىرۋدىڭ ارقاسىندا گانسۋ مەن قازاقستان اراسىنداعى ەكونوميكالىق جانە ساۋدا اۋىس-كۇيىسى جيىلەي ءتۇستى. بۇل پويىزدىڭ ىسكە قوسىلۋى ەكى تاراپ اراسىنداعى ساۋدا ءۇشىن جاڭا ارنا اشقان.
«ستاتيستيكاعا سايكەس، 2022-جىلى قازاقستانعا گانسۋدىڭ يمپورتى مەن ەكسپورتىنىڭ قۇنى 13,44 ميلليارد يۋانعا جەتىپ، جىلدىق ەسەپتە %44,9 عا ۇلعايدى. بيىلدىڭ العاشقى ەكى ايىندا قازاقستانعا گانسۋ ولكەسىنىڭ يمپورتى مەن ەكسپورتىنىڭ قۇنى 1,79 ميلليارد يۋانعا جەتتى»، دەپ تۇيىندەيدى قىتايلىق ب ا ق.
قازاقستاندا يران قولونەر بۇيىمدارىنىڭ كورمەسى ءوتىپ جاتىر - «Parstoday»
قازاقستاننىڭ الماتى قالاسىندا يران قولونەر بۇيىمدارىنىڭ كورمەسى باستالدى. قازاقستاننىڭ الماتى قالاسىنداعى ت. جۇرگەنوۆ اتىنداعى ونەر اكادەمياسىندا ستۋدەنتتەر، ۇستازدار، يرانتانۋشىلار مەن ي ي ر باس كونسۋلدىعىنىڭ جاۋاپتى قىزمەتكەرلەرىنىڭ قاتىسۋىمەن يران قولونەر بۇيىمدارى كورمەسىنىڭ اشىلۋ ءراسىمى ءوتتى. ءراسىم يران مەن قازاقستان ءانۇراندارىنىڭ شىرقالۋىمەن باستالدى، دەپ حابارلايدى «Parstoday» اقپارات اگەنتتىگى.
اتالعان اقپارات اگەنتتىگىنىڭ حابارلاۋىنشا، بۇل كورمەدە يسفاحان وبلىسىنان ءتورت يراندىق ونەرپاز حاتامكاري، قالامزاني مەن فيرۋزەكۋبي سالالارىنداعى ونەر تۋىندىلارىن جۇرت نازارىنا ۇسىندى. كورمە اياسىندا قالامزاني بۇيىمدارىن جاساۋ ءتاسىلى كورسەتىلدى.
ايتا كەتۋ كەرەك، يران قولونەر بۇيىمدارىنىڭ كورمەسى الماتى قالاسىنداعى ۋنيۆەرسيتەتتەر مەن مادەني ورتالىقتاردا 31- ناۋرىزدا باستالىپ، 6- ساۋىرگە دەيىن جالعاسىن تابادى.
حالىقارالىق كوكپار ويىنىندا قازاقستان قۇراماسى جەڭىسكە جەتتى - «ءو ز ا»
سۇرحانداريا وبلىسىنىڭ تەرمەز اۋدانىندا ۇيىمداستىرىلعان حالىقارالىق كوكپار ويىنىندا قازاقستان قۇراماسى جەڭىسكە جەتتى. مەملەكەت باسشىسىنىڭ 2021-جىلعى 5- تامىزداعى «سۇرحانداريا وبلىسىندا قارابايىر تۇقىمدى جىلقىلاردى ءوسىرۋ جانە ناسيحاتتاۋ سونىمەن قاتار، ات سپورتىن ودان ءارى دامىتۋ شارالارى تۋرالى» شەشىمىن جۇزەگە اسىرۋ اياسىندا ۇيىمداستىرىلعان ويىندا قازاقستان قۇراماسى ءبىرىنشى ورىندى الىپ ءجۇز ميلليون سۋم سىياقىعا يە بولدى. بۇل تۋرالى وسى اپتادا «ءو ز ا» اقپاراتتىق اگەنتتىگى حابارلايدى.
وزبەكستاندىق باسىلىمنىڭ مالىمەتىنشە، حالىقارالىق كوكپار ويىنىندا قىرعىزستان كومانداسى ەكىنشى ورىندى يەلەنسە، قارابايىر جىلقى ونەرى مەكتەبىنىڭ كومانداسى ءۇشىنشى ورىندى قاناعات تۇتتى.
اۆتور بەيسەن سۇلتان
