بولات نازاربايەۆ اۆتوبازارىنان ايىرىلۋى مۇمكىن – ب ا ق
باسىلىم مالىمەتىنشە، قاراساي اۋدانىنداعى سوتتا پروكۋراتۋرا، جەرگىلىكتى اكىمدىك جانە بولات نازاربايەۆ اراسىندا تالقىلاۋ ءجۇرىپ جاتىر.
«قاراساي اۋدانىنىڭ پروكۋراتۋراسى جالپى اۋدانى 35 گەكتاردان اساتىن جەر ۋچاسكەلەرىن ساتىپ الۋ-ساتۋ شارتتارىن جارامسىز دەپ تانۋدى تالاپ ەتەدى. مۇنىڭ سەبەبى قاراپايىم: بۇل ۋچاسكەلەر «سۋارمالى ەگىستىك» اۋىل شارۋاشىلىعى ماقساتىنداعى جەرلەرگە جاتقىزىلدى، ال جەر كودەكسىنە سايكەس اۋىل شارۋاشىلىعى القاپتارى ەرەكشە قورعالۋعا جاتادى. نىسانالى ماقساتىن وزگەرتۋگە ەشقانداي نەگىز جوق، جول بەرىلمەيدى»، - دەلىنگەن «پياتىي رەگيون» ماتەريالىندا.
ب ا ق جەردى بەرۋ فاكتىسى ورەسكەل بۇزۋشىلىقتارمەن بولعانىن اتاپ كورسەتكەن. سوندىقتان پروكۋرورلار ساتىپ الۋ-ساتۋ شارتتارىن جارامسىز دەپ تانۋدى جانە ولاردى مەملەكەت بالانسىنا قايتارۋدى تالاپ ەتكەن.
ەسكە سالايىق، بۇعان دەيىن بولات نازاربايەۆ الماتىداعى زاۋىتتىڭ 31,9 پايىزىن مەملەكەتكە قايتارۋعا مىندەتتەلگەن بولاتىن. 16- ناۋرىزدا جوعارعى سوتتىڭ ازاماتتىق ىستەر جونىندەگى سوت القاسى قارجى مينيسترلىگى مەملەكەتتىك مۇلىك جانە جەكەشەلەندىرۋ كوميتەتىنىڭ تالاپ-ارىزى بويىنشا بولات نازاربايەۆ پەن PLS- TM ج ش س- نى الماتى اۋىر ماشينا جاساۋ زاۋىتىنىڭ اكسيالارىن مەملەكەت مەنشىگىنە قايتارۋعا مىندەتتەگەنى بەلگىلى بولدى.