ساۋىردە قازاقستاندىقتاردىڭ ومىرىندە قانداي وزگەرىستەر بولادى؟
كولىك سالىعىن تولەۋدىڭ سوڭعى كۇنى
مەملەكەتتىك كىرىستەر كوميتەتى 2022 -جىلعا جەكە تۇلعالاردىڭ كولىك قۇرالدارىنا سالىناتىن سالىقتى تولەۋى 2023 -جىلدىڭ 1-ساۋىرىنەن كەشىكتىرىلمەيتىن مەرزىمدە جۇرگىزىلەتىنىن ەسكە سالدى.
كوميتەت مالىمەتىنشە، كولىك قۇرالدارىنا سالىناتىن سالىقتىڭ سوماسىن kgd.gov.kz web-پورتالىندا ورنالاستىرىلعان سالىق كالكۋلياتورىنىڭ كومەگىمەن نەمەسە e-Salyq Azamat موبيلدى قوسىمشاسىندا ەسەپتەۋگە بولادى. سونىمەن قاتار، سالىق ورگاندارىمەن ەسەپتەلگەن الداعى تولەنەتىن كولىك قۇرالدارىنا سالىناتىن سالىقتىڭ سومالارى «كاسپي بانك» ا ق موبيلدى قوسىمشانىڭ پايدالانۋشىلارىنا PUSH-حابارلاما تۇرىندە ناۋرىز ايىندا جىبەرىلەتىن بولادى.
ەسەپتەلگەن سالىق سومالارىن e-Salyq Azamat موبيلدى قوسىمشاسىنىڭ «ەلەكتروندى سەرۆيستەر» - «ج ت جانە ج ك الداعى تولەمدەردى تولەۋ قىزمەتى» سەرۆيسىندە، سونداي-اق «كاسپي بانك» ا ق موبيلدى قوسىمشاسىندا كورۋگە بولادى.
1-سىنىپقا قابىلداۋعا قۇجات تاپسىرۋ باستالادى
ءبىرىنشى سىنىپقا قابىلداۋ ءۇشىن وتىنىشتەر قابىلداۋ 1-ساۋىردە باستالىپ، 1-تامىزعا دەيىن جالعاسادى. ءبىلىم بەرۋ مەملەكەتتىك قىزمەتى ەلەكتروندىق ۇكىمەتتىڭ egov.kz ۆەب-پورتالىندا جانە جەرگىلىكتى اتقارۋشى ورگانداردىڭ اقپاراتتىق جۇيەلەرىندە قولجەتىمدى.
1-ساۋىردەن باستاپ بەنزين مەن ديزەل وتىنىنىڭ باعاسى كوتەرىلەدى
«اق جايىق» مالىمەتىنشە، اتىراۋدا 1-ساۋىردەن باستاپ بەنزين مەن ديزەل وتىنىنىڭ باعاسى كوتەرىلەدى. بۇيرىقتىڭ جوباسى «اشىق ن ق ا» سايتىندا ورنالاستىرىلعان. وعان سايكەس اي-92 ماركالى بەنزيننىڭ ورتاشا باعاسى ليترىنە 6-7 تەڭگەگە، ديزەل وتىنىنا - 12-14 تەڭگەگە وسەدى. اتىراۋ م ءو ز 92- بەنزينىنىڭ ليترىنىڭ باعاسى قازىرگى باعادان 182-185 تەڭگەدەن جوعارى، پاۆلودار پ م ح ز بەنزينى ءۇشىن - تومەن.
سونداي-اق، مۇناي ونىمدەرىن كوتەرمە جەتكىزۋشىلەرگە قاتىستى جاڭا تالاپتار قابىلداندى، ولار قازىر مۇناي بازاسىنىڭ مەنشىگىندە بولۋى نەمەسە ولاردى كەمىندە 1 جىل مەرزىمگە جالعا الۋى قاجەت.
الماتىنىڭ 39 كوشەسىندە جاڭا شام پايدا بولادى
تۇركسىب اۋدانىنىڭ تۇرعىندارىمەن كەزدەسۋدە الماتى اكىمى ەربولات دوسايەۆ كوشەنى جارىقتاندىرۋ ماسەلەلەرىن كوتەردى. قالا باسشىسى 2022 -جىلدىڭ جەلتوقسان ايىنان باستاپ تۇركسىب اۋدانىنىڭ 100 ءىشىنارا جارىقتاندىرىلماعان كوشەسىندە ءتيىستى جۇمىستار جۇرگىزىلىپ جاتقانىن اتادى. 61 كوشەدە جارىق قوسىلعان، قالعان كوشەلەردىڭ جۇمىستارى 2023 -جىلدىڭ ءساۋىر ايىندا اياقتالادى.
ناۋرىز ايىندا ۇزىندىعى 7,5 شاقىرىم بولاتىن 2 ماگيسترالدى كوشەنىڭ سىرتقى جارىقتاندىرۋ جەلىسىن جاڭعىرتۋ جۇمىستارى اياقتالدى.
تۇرعىنداردىڭ وتىنىمدەرى بويىنشا وسى جىلدىڭ سوڭىنا دەيىن «المەرەك»، «نۇرشاشقان»، «جاس قانات» شاعىن اۋداندارىندا، ەنيسەيسكايا، باكانسكايا جانە ت. ب. كوشەلەردە 80 ۋچاسكە بويىنشا قوسىمشا سىرتقى جارىق جەلىسىن سالۋ ءۇشىن جوبالاۋ- سمەتالىق قۇجاتتاما ازىرلەنەدى.
كولەڭكەلى اينالىمدى قىسقارتۋ جانە سالىقتار بويىنشا شىعىنداردى بولدىرماۋ ءۇشىن ە ا ە و ەلدەرىمەن ءوزارا ساۋدادا تاۋارلارعا ىلەسپە جۇكقۇجاتتاردى مىندەتتى رەسىمدەۋ ەنگىزىلەدى
1-ساۋىردەن باستاپ كولەڭكەلى اينالىمدى قىسقارتۋ جانە سالىقتار بويىنشا شىعىنداردى بولدىرماۋ ءۇشىن ە ا ە و ەلدەرىمەن ءوزارا ساۋدادا تاۋارلارعا ىلەسپە جۇكقۇجاتتاردى مىندەتتى رەسىمدەۋ ەنگىزىلەدى. بۇعان دەيىن تاۋارلارعا ىلەسپە جۇكقۇجاتتار ەرىكتى نەگىزدە 2020 -جىلعى جەلتوقساننان باستاپ پيلوتتىق رەجيمدە ىسكە اسىرىلعان بولاتىن.
ت ءى ج-دى (تاۋارلارعا ىلەسپە جۇك قۇجاتتاردى) رەسىمدەۋ شەكارادان وتكەنگە دەيىن (ە س ق ارقىلى) ەلەكتروندىق تۇردە كوزدەلگەن، بۇل جالعان تۇلعالارعا، جالعان جۇك الۋشىلار مەن جونەلتۋشىلەرگە، بانكروتتارعا، تاراتىلعان تۇلعالارعا جانە تاعى باسقا قۇجاتتاردى رەسىمدەۋ مۇمكىندىگىن بولدىرمايدى.
وسىلايشا، مەملەكەتتىك كىرىستەر كوميتەتىنىڭ مالىمەتىنشە، ىسكە اسىرىلىپ جاتقان جۇيە تاۋارلاردىڭ شەكارا ارقىلى ءوتۋىن باقىلاۋ پروتسەسىن اۆتوماتتاندىرۋعا مۇمكىندىك بەرەدى.
قازاقستاندىقتار-ساۋىردە قالاي دەمالادى؟
ساۋىردە اپتاسىنا بەس كۇن جۇمىس ىستەيتىن قازاقستاندىقتار 10 كۇن دەمالادى. ايتا كەتەيىك،-ساۋىردە قازاقستاندا مەملەكەتتىك تە، ۇلتتىق تا مەرەكە جوق. اپتاسىنا بەس كۇن جۇمىس ىستەيتىندەردە - 20 جۇمىس كۇنى، 10 دەمالىس كۇن بولادى. ال اپتاسىنا التى كۇن جۇمىس ىستەيتىندەر 25 كۇن جۇمىس ىستەپ، 5 كۇن دەمالادى.
استرولوگ-ساۋىردە جولى بولاتىن جۇلدىز بەلگىنى اتادى
ساۋىردە كوكتەمنىڭ كەلگەنىن تولىق سەزىنە الامىز. وسى كەزدە جاڭاشا ءومىر ءسۇرىپ باستاعىمىز كەلەدى: جوسپارلار قۇرىپ، جاقسى نارسەگە ۇمىتتەنەمىز. استرولوگ تامارا گلوبا Woman.ru سايتىنا-ساۋىردە مىندەتتى تۇردە جولى بولاتىن جۇلدىز بەلگىنى اتادى.
ساۋىردە بالىقتاردىڭ جولى جەڭىل بولادى، ولار قانداي ءىستى باستاسا دا، ءساتتى ءجۇرىپ كەتەدى.
2023 -جىلدىڭ-ساۋىرىندە ولاردى قارجى سالاسىندا جانە ماحابباتتا جولدارى بولماق. جالعىزباستى بالىقتار ءوز باقىتىن كەزدەستىرەدى. ولار رومانتيكادان ءلاززات الادى.
بۇل جۇلدىز بەلگىسى ءىرى زات ساتىپ الۋى مۇمكىن. سونداي-اق جىلجىمايتىن مۇلىك سالاسىندا مۇمكىندىكتەر تۋادى. ءبىراق بۇل كەزدە دەنساۋلىققا اسا ءمان بەرۋ كەرەك: بۇرىنعى سوزىلمالى اۋرۋ اسقىنىپ كەتۋى مۇمكىن.
بۇل جۇلدىز بەلگىسى وكىلدەرى وزدەرىنىڭ قارجى پروبلەمالارىن شەشە الادى جانە ارمانىن جۇزەگە اسىرا الادى.
تامارا گلوبا بۇل جۇلدىز بەلگىسىنىڭ وكىلدەرىنە تابىسقا جەتۋ ءۇشىن ءوز موينىنا جاۋاپكەرشىلىك الىپ، باستامانى قولعا الۋعا كەڭەس بەردى.
