14:20, 30 - ناۋرىز 2023 | GMT +5
استاناداعى ل ر ت قۇرىلىسىن قىتاي كومپانياسى اياقتايدى - جەڭىس قاسىمبەك
استانا. قازاقپارات - استانا اكىمى جەڭىس قاسىمبەك كاسىپكەرلەرمەن كەزدەسۋدەن كەيىن ب ا ق وكىلدەرىنە بەرگەن سۇحباتىندا LRT قۇرىلىسىن قىتاي كومپانياسى اياقتايتىنىن ءمالىم ەتتى، دەپ حابارلايدى قازاقپارات ءتىلشىسى.
ب ا ق وكىلدەرى اكىمنەن LRT قۇرىلىسىن قانداي مەردىگەر جالعاستىراتىنىن سۇرادى.
«باس مەردىگەر - قىتاي كومپانياسى. سول كومپانيا اتالعان نىساندى قۇرىلىسىن ءارى قاراي سالا بەرەدى»، - دەدى اكىم.
سونداي-اق، ول ۆاگوندارعا دا باس مەردىگەر تاپسىرىس بەرەتىنىن اتاپ ءوتتى.
«نىساننىڭ جىلجىمالى قۇرامىنا (ۆاگونداردى - رەد. ) دا سولار تاپسىرىس بەرەدى. باس مەردىگەر بەلگىلى بولعاندىقتان، نىساندى ءوزى اياعىنا دەيىن جەتكىزەدى»، - دەدى جەڭىس قاسىمبەك.
